“Si do t’i vejë halli pandemisë?” Më mirë të jesh optimist apo pesimist?

Opinionet se kur do të mbarojë pandemia janë si goja: të gjithë e kanë nga një. Ndërsa optimistët parashikojnë një ulje të kurbës dhe një vaksinë, pesimistët parashikojnë që ne do të vazhdojmë kështu për një kohë të gjatë dhe nuk do të kthehemi kurrë në jetën normale që bënim para pandemisë.

Po cila është më e mirë? Të jesh një optimist, të kesh shumë besim dhe shpresë se çdo gjë do të rregullohet e në këtë mënyrë të rrezikosh një zhgënjim të mundshëm në të ardhmen apo të jesh një pesimist i mbushur me ankth dhe depresion me atë çka mund të vije dhe pastaj të jesh i lumtur kur të kalojë gjithë kjo?

Bëhu real

Dy studiues, David de Meza pedagog në fakultetin e Ekonomisë në Londrër dhe Chris Dawson pedagog në Universitetin e Bath, u vendosën t’i përgjigjen kësaj pyetjeje.

Ata shqyrtuan përgjigjet e 1601 individëve në dy pyetjet që dy studiuesit kishin përgatitur.

Pyetjet ishin: “Si mendoni se do të jeni financiarisht një vit më vonë?” dhe “A jeni më mirë, më keq apo njësoj si një vit më parë”.

Studimi zgjati nga viti 1991 deri në 2009 ku një vit u bëhej pyetja e parë të anketuarve dhe vitin tjetër pyetja e dytë.

De Meza dhe Dawson më pas vështruan mirëqenien e këtyre individëve për të përcaktuar nëse optimistët apo pesimistët ishin më të lumtur apo më të trishtuar bazuar në faktin nëse i kishin arritur apo jo qëllimet e tyre financiare.

Dy zbulime nga studimi i tyre hedhin dritë se si duhet t’i përgjigjemi pyetjes miliona dollarëshe të pandemisë: Kur do të përfundojë?

(Me një paralajmërim të rëndësishëm: parashikimi i situatës financiare është më shumë nën kontrollin tonë ndryshe nga virusi që nuk varet nga ne.)

Së pari, njerëzit që parashikuan saktë gjendjen e tyre financiare një vit më vonë, realistët, ishin më të lumturit.

Ndryshe nga optimistët që mbivlerësuan suksesin e tyre financiar një vit më vonë dhe pesimistët të cilët nënvlerësuan sesa mirë do të ishin financiarisht pas një viti. Të dy palët ishin jo dhe aq të lumtur. Me fjalë të tjera, është më mirë të jesh realist dhe të kesh aftësinë për të parashikuar me saktësi të ardhmen tënde sesa të jesh optimist ose pesimist.

Është mirë të jesh realist por ka një problem, jo të gjithë munden!

Bazuar në psikologjinë tonë, shumë njerëz thjesht nuk munden të jenë realist sado që të mundohen. E keqja është se optimistët dhe pesimistët kanë prirje të ndikohen plotësisht nga situata dhe ngjarje të ndryshme siç është dhe pandemia.

Për këtë është zbulimi i dytë i de Meza dhe Dawson që është më intrigues dhe më i gjerë: pesimistët përjetuan 37.2% më shumë shqetësime psikologjike sesa realistët, ndërsa optimistët ndienin 11.8% më shumë shqetësime. Me fjalë të tjera, ata që janë jorealistë pesimistë përjetojnë mbi tre herë më shumë ankth kur mendojnë të ardhmen sesa ata që janë jorealistë optimistë dhe kanë idenë se çdo gjë do të kaloje dhe ditët e mira nuk janë larg, duke shmangur dhe atë që po ndodh në të vërtetë.

Megjithatë, optimizmi nuk duhet të shkojë në ekstreme, pasi ne mund të zhvillojmë një qasje naive ndaj rrezikut dhe nuk i shikojmë të rëndësishme masat e marra për të parandaluar virusin edhe pse arsye të shumta tregojnë se optimizmi ka një efekt më të madh në mirëqenie, përfshirë hulumtimet që kanë zbuluar se optimistët jetojnë më gjatë, më të lumtur dhe më të shëndetshëm në krahasim me pesimistët.

Si doni ta kaloni kohën tuaj?

Ndjenjat varen dhe nga ajo që ne bëjmë. Tani që kemi kohë të lirë më shumë se herë të tjera, është në dorën tonë të vendosim si ta kalojmë atë kohë e në këtë mënyrë dhe vendosim nëse do të jemk pesimistë apo realistë.

Nëse do të rrish gjithë kohën e lirë ulur në divan, është normale të jesh pesimist.

Siç dhe mund të bësh diçka që të pëlqen e kështu do të anoni nga optimizmi.

“Në rregull, por si mund të qëndroj optimist pavarësisht lajmeve negative 24 orë të ditës?” ju mund të jeni duke menduar.

Ose të dëgjosh për shembull, njerëzit përreth jush që thonë: “Mënyra jonë e jetës nuk do të jetë kurrë e njëjtë, ne do të duhet gjithmonë të distancohemi nga njëri-tjetri nga tani e tutje.”

De Meza thotë se kur dëgjoni ose keni mendime të tilla, imagjinoni një individ që jeton në vitin 1918 gjatë gripit spanjoll, i cili ndoshta kishte mendime të ngjashme. Mendoni për njerëzit që kanë respektuar çdo masë dhe nuk kanë rrezikuar. Mendoni se bota ka kaluar shumë gjëra dhe prapseprap në fund, kemi jetuar të lumtur. E rëndësishme është të mendojmë dhe për kohën mbasi të mbarojë gjithë kjo situatë.  Një pesimist do ta ketë të vështirë të largoje nga vetja gjithë energjinë negative që ka mbledhur gjithë këto kohë kështuqë duhet të jemi optimistë por me masë, pa kaluar limitet.

SI

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale