Nisma që pritet të hyjnë në fuqi vitin e ardhshëm, parashikojnë uljen e tatim fitimit në 5% (15% aktualisht) për të gjitha bizneset me xhiro vjetore më të vogël se 14 milionë lekë.
Për sektorët e bujqësisë dhe turizmit, paketa lehtësuese pritet të jetë e vlefshme që në vjeshtë të këtij viti. Me fokus agrobiznesin, lehtësitë parashikohet të japin efekt nxitës në të dy sektorët.
Përmes kooperativave vullnetare, (që parashikohet rë bashkojnë krahun e punë dhe teknologjinë duke u prezantuar si një fermë e vetme), sipërmarrjet sipas Ahmetajt, do të përfitojnë rimbursim 20 %.
Njëkohësisht për ta, tatim fitimi do të zbresë në 5% nga 15% aktualisht.
5% do të jetë tatim fitimi edhe për bizneset e licencuara dhe që operojnë në fushën e agroturizimit
Ju mund të lexoni edhe : Certifikimi kusht për lehtësi në agroturizëm. Ja cilat janë kriteret
Në fushën e energjisë, financat parashikojnë të përjashtohen nga TVSH, blerjet e disa pajisjeve. Në këtë rast flitet për investimet në shfrytëzimin e energjisë diellore.
Pjesë e lehtësive pritet të bëhen edhe ndërtuesit. Pas kërkesave të hershme e të përsëritura, Minsitri premtoi një taksim më të drejtë të investitorëve në ndërtim dhe pronarëve të truallit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
