Shqipëria edhe këtë vit është e pranishme në panairin “Fruit Logistica 2023” në Berlin të Gjermanisë, panairi më i madh për frutat dhe perimet që organizohet në Evropë.
Përmes një postimi në rrjetet sociale, kryetari i grupit parlamentar të Partisë Socialiste, Taulant Balla shkruan se produktet e freskëta të Myzeqesë konkurrojnë në panairin më të madh ndërkombëtar të fruta-perimeve “Fruit Logistica” në Berlin.
Për të pestin vit radhazi në “Fruit Logistica” në Berlin merr pjesë me një stendë moderne edhe kompania më e madhe e grumbullimit të fruta-perimeve në Ballkan “Doni Fruit”.
Në ditën e parë stendën e Shqipërisë dhe të “Doni Fruit” e kanë vizituar qindra vizitorë.
Panairi “Fruit Logistica” është një nga vendtakimet dhe pikënisjet e rëndësishme për marrëdhënie tregtare të qëndrueshme për frutat dhe perimet me vendet e BE-së.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
