Shqipëria ndër vendet e fundit në Rajon për plotësimin e kritereve për shkencën dhe teknologjinë - Business Magazine Albania

Shqipëria ndër vendet e fundit në Rajon për plotësimin e kritereve për shkencën dhe teknologjinë


Ndryshe nga vendet e tjera të Rajonit, Shqipëria dhe Bosnja kanë mbetur pas në lidhje me plotësimin e kritereve për shkencën dhe teknologjinë, që kërkon Bashkimi Europian për integrimin.

Plotësimi i kritereve për shkencën, kërkimin dhe inovacionin ka një nivel të mirë të përgatitjeje në Maqedoni, Malin  e Zi dhe Serbi, ndërsa në Shqipëri, Bosnjë dhe Hercegovinë dhe Kosovë përgatitjet janë në një fazë të hershme.

BE vëren se Shqipëria nuk ka bërë hapa para në fushën e shkencës dhe kërkimit. BE kërkon që këtë vit të miratohet një strategji gjithëpërfshirëse për hulumtimin dhe inovacionin, të ndërtohen kapacitete për rritjen e investimeve në kërkime në përputhje me prioritetet e BE-së. Gjithashtu vë në dukje se investimet në kërkimin dhe masat për forcimin e kapaciteteve kërkimore në nivel kombëtar duhen rritur.

Edhe në Bosnjë përgatitjet për kërkimin dhe politikat e inovacionit janë në një fazë të hershme. BE kërkon nga Bosnja forcimin e kapaciteteve të agjencive të arsimit në nivel shtetëror për të zhvilluar standardet e BE dhe për të rritur nivelin e cilësisë në arsim.

BE vlerëson se Maqedonia ka një nivel të mirë përgatitje në fushën e shkencës dhe kërkimit. Megjithatë këshillon që vendi duhet të vazhdojë rritjen e nivelit të investimeve në kërkime, në veçanti në sektorin privat dhe të miratojë një program 2016-2020 për arsimin e lartë dhe kërkimin shkencor.

Kosova gjithashtu është në fazë fillestare të plotësimit të këtij kriteri. Gjatë periudhës së raportimit, nuk ka pasur progres në fushën e arsimit, por ka pasur pak përparim në fushën e kërkimit. BE vëren se cilësia e arsimit duhet të përmirësohet në mënyrë të konsiderueshme.

Në Malin i Zi ekziston një nivel i mirë i përgatitjeje. Por në vijim vendi duhet të përmirësojë përpjekjet për të rritur investimet në kërkime, në veçanti përmes stimulimit të investimeve nga sektori privat.

BE ka vënë re se Serbia ka një nivel të mirë të përgatitjes në fushën e shkencës dhe kërkimit. Disa përparime janë bërë me miratimin e strategjisë për zhvillimin shkencor dhe teknologjik. BE rekomandon se në periudhën në vijim Serbia duhet miratojë planin e veprimit për zbatimin e strategjisë dhe të nxisë bashkëpunimin mes industrisë dhe akademisë dhe rritjen e nivelit të investimeve në kërkim.

burimi: Monitor

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0