Shpi.al, startup-i shqiptar në industrinë e pasurive të paluajtshme


Sipërmarrësi shqiptar Tomi Kallanxhi ka punuar që nga diplomimi në universitet në qytetin e Tiranës për të realizuar ëndrrën e menaxhimit të kompanisë së tij, Shpi.al.

Disa vite më parë, Kallanxhi më në fund e arriti këtë qëllim me Shpi.al, një website për pasuritë e paluajtshme që i jep përdoruesve informacione transparente rreth tregut të tyre, i pari i këtij lloji brenda vendit.

“Ajo që më ndihmoi të filloja ishin aftësitë e mia personale të sipërmarrjes”, tha Kallanxhi.

Kallanxhi e lançoi faqen e internetit në vitin 2012 dhe që atëherë operon në Shqipëri.

“Aspekti më pozitiv i të paturit të një prezence në Shqipëri është se Shqipëria është ende një treg i virgjër në TIK (Teknologjia e Informacionit dhe Komunikimit),” tha ai.

Pas suksesit të Shpi.al, Kallanxhi themeloi Big Media Expert, një startup i ri në fushën e programimit dhe marketingut.

“Ne jemi gjithmonë të përditësuar me metodat më të fundit të zhvillimit në komunikimet digjitale.”

Kallanxhi tha se pasioni, etika dhe inovacioni janë vlera që dëshiron të sjellë në fushën e tij.

Sa i përket të ardhmes, Kallanxhi dëshiron të zhvillojë akoma më shumë kompanitë e tij në rajonin e Ballkanit, ku lloje të ndryshme të iniciativave ekonomike po zgjerohen, siç është industria e teknologjisë.

Intervistën me themeluesin e Shpi.al, Tomi Kalanxhin mund ta gjeni në numrin e 13 revistës, në këtë link.

Burimi: balkanbusinesswire.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0