Nuk mund ta largoni zakonin e shpenzimit të kohës së tepërt në smartfon? Studiuesit kanë shpikur një mënyrë të zgjuar për të minimizuar kohën tuaj të lartë të ekranit, e cila përbën një ‘dredhi’ të ligë.
Aplikacioni i tyre, InteractOut, ndërhyn në mënyrë delikate me ndërveprimet naviguese dhe prekëse në ekranin e telefonit tuaj, gjë që gradualisht bëhet gjithnjë e më zhgënjyese derisa më në fund vendosni të ulni pajisjen tuaj dhe të merreni me një aktivitet tjetër.
Studimi i prezantuar këtë javë në Konferencën mbi Faktorët Njerëzor në Sistemet Kompjuterike, pati disa gjetje të jashtëzakonshme mbi efektivitetin e kësaj metode. Krahasuar me qasjen më konvencionale të mbylljes nga një aplikacion pasi të kaloni një kufi kohor, studiuesit zbuluan se forma e tyre dinake e ndërprerjes ishte 16% më efektive në uljen e kohës së ekranit.
“Aplikacionet e bllokimit janë mjaft shkatërruese, kështu që nëse dikush është në mes të një detyre ose një loje të rëndësishme, ata do të përpiqen ta tejkalojnë kohëmatësin e ekranit që kishin caktuar fillimisht,” tha bashkëautori i studimit Anhong Guo, një asistent profesor i shkencave kompjuterike dhe inxhinierisë në Universitetin e Miçiganit. “Më pas, ata mund të harrojnë kufirin kohor dhe të kalojnë më shumë kohë në telefon se sa kanë dashur”.
Aplikacioni pengon ndërveprimet duke shtuar vonesa në klikim dhe hyrje të tjera. Ai gjithashtu zhvendos vendndodhjen e hyrjeve tuaja, në mënyrë që vendi ku jeni duke prekur në ekran të mos përputhet me atë që kryen telefoni juaj.
Në studim, studiuesit patën mbi 40 pjesëmarrës që të përdornin aplikacionin e tyre InteractOut për dy javë, dhe më pas ata të përdornin një aplikacion të bllokimit të fortë me limit kohor për dy javë të tjera, duke vendosur një kufi të kohës para ekranit të aplikacionit prej një ore.
Lexo edhe: Gati 9 vite jetë i shpenzojmë në telefon
Një nga përfitimet e InteractOut, zbuluan studiuesit, është se qasja e tij e zgjatur i detyron përdoruesit të jenë të vetëdijshëm për ndërveprimet e tyre me telefonat e tyre, ndërsa një aplikacion bllokimi zakonisht ju shfaqet vetëm një herë përpara se ju – le të jemi të sinqertë – të vendosni ta shpërfillni atë. Të dhënat e mbështesin këtë: rreth 62 për qind e pjesëmarrësve e lejuan InteractOut të bëjë gjënë e tij gjatë gjithë ditës, por vetëm 36 për qind ju përmbajtën bllokimit të tyre me limit kohe.
“Nëse ne vazhdimisht shtojmë pak vones në ndërveprimin me telefonin, përfundimisht përdoruesi bëhet më i vetëdijshëm për atë që po bën sepse ka një mospërputhje midis asaj që ata presin të ndodhë dhe asaj që ndodh në të vërtetë,” tha Guo.
Ne bëjmë shaka se është pak e keqe, sigurisht, por funksionon. Varësia nga telefonat inteligjentë nuk është shaka, veçanërisht kur bëhet fjalë për fëmijët, kështu që më shumë kërkime mbi mënyrat efektive për ta luftuar atë duhet të merren seriozisht.
Thënë kështu, InteractOut nuk është perfekt. Disa aplikacione, si ato për video, në radhë të parë kërkojnë shumë pak ndërveprime, duke i bërë këto ndërhyrje më pak efektive. Ato do të kërkojnë ndërhyrje më specifike të përshtatura, tha Guo, por është një fillim premtues.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
