Samsung implementon Windows 10

Samsung implementon Windows 10 për laptopët


Koreanët e Samsung ndërtojnë laptopin e parë Windows 10 me ekran 4K pas kinezëve me Lenovo-n dhe japonezëve me Toshiba-n. Gjigandi korean ka prezantuar dy modele të reja: Ativ Book 9 Pro dhe Ativ Book 9 Spin.

Samsung Ativ Book 9 Pro ka ekran me prekje 15.6 inç me rezolucion “Ultra 4K”, 3840 x 2160 piksel. Samsung sjell disa komponentë të fuqishëm si proçesorin Intel Core i7-6700HQ me frekuencë 2.6 Ghz, 8 GB RAM dhe disk solid 256 GB për vetëm 1600 dollarë.

Në aspektin e grafikave, Ativ Book 9 Pro është një përbindësh i vërtetë. Le të themi ndryshe: Nvidia GeForce GTX 950M. Natyrisht që nga ky laptop mund të prisni edhe komponentët 802.11ac, Bluetooth 4.1, një portë USB-C, tre porta USB 3.0, një portë 4K HDMI dhe një lexues kartash SD.

Mbase zhgënjimi më i madh me këtë laptop qëndron tek bateria. Vetëm 6.5 orë punë por mos harroni urinë e ekranit 4K. Ky laptop del në shitje gjatë këtij muaj ndërkaq një datë ekzakte nuk është përcaktuar.

ativbook9pro-samsung-windows 10-infoalbania

Ativ Book 9 Spin

Samsung ofroi edhe një zgjidhje për ata që nuk shafqin interes ndaj ekraneve 4K me laptopin Ativ Book 9 Spin. Ky produkt ka një ekran, i cili rrotullohet 360 gradë. Një praktiktë të tillë e ka implementuar Lenovo në modelet e saj Yoga.

Ativ Spin ka ekran me madhësi prej 13.3 inç dhe rezolucion 3200 x 1800 piksel. Proçesori është Intel Core i7-6500U me frekuencë 2.5 Ghz. Të tjera specifika janë: 8 GB RAM, 256 GB disk solid, grafika Intel 520 të integruara, Wi-Fi 802.11ac, Bluetooth 4.1, tre porta USB 3.0, një portë HDMI dhe një lexues kartash SD.

Ky laptop premton 7.3 orë jetëgjatësi baterie. Kostoja e tij përllogaritet në 1,400 dollare.

Sa i përket laptopëve me ekran 4K, Toshiba dhe Lenovo janë pionerët e kësaj teknologjie. Tani me Ativ Book 9 Pro edhe Samsung i është bashkuar festës. Edhe Dell po planifikon të ofrojë një variant 4K të XPS 15.

/PC World Albanian/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0