Samiti Virutal për Covid. Udhëheqësit botërorë premtojnë miliona dollarë - Business Magazine Albania

Samiti Virutal për Covid. Udhëheqësit botërorë premtojnë miliona dollarë


Një aleancë e udhëheqësve botërorë zhvilloi një samit virtual të hënën, me synim grumbullimin e miliarda dollarëve për të financuar hulumtimet për një vaksinë për koronavirusin, si dhe për të zhvilluar trajtime të reja dhe testime më të mira.

Komisioni Evropian organizoi dhe drejtoi veprimtarinë nga selia e tij në Bruksel, me liderë të thirrur nga e gjithë bota. Presidentja e Komisionit Ursula von der Leyen tha se bota duhet të bashkojë burimet e saj për të filluar punën për vaksinat, diagnostikimin dhe trajtimet kundër koronavirusit.

Ajo tha se qëllimi i parë ishte mbledhja e një shume fillestare prej 8 miliardë dollarësh që do të ndihmonte “të shtohet” puna për vaksinat dhe trajtimet.

Kancelarja gjermane Angela Merkel premtoi 573 milionë dollarë, duke thënë se samiti dërgoi një “sinjal shprese” dhe se pandemia ishte një “sfidë globale që kërkonte zgjidhje globale.”

Lexo: Diçka e pazakontë po ndodh në Suedi, në këtë kohë pandemie, ndryshe nga gjithë Europa

Kryeministri britanik Boris Johnson, vetë i mbijetuar nga COVID, njoftoi premtimin e Britanisë prej 482 milionë dollarësh dhe u kujtoi udhëheqësve se Britania do të organizojë një samit tjetër në një muaj në emër të Aleancës Globale për Vaksinat dhe Imunizimet (GAVI).

Kryeministri japonez, Shinzo Abe, tha se vendi i tij do të bënte një investim total prej afro 834 milionë dollarësh për të luftuar virusin brenda dhe jashtë vendit.

Kanadaja, Franca, India, Izraeli dhe Spanja ishin ndër kombet e tjera që u zotuan për përpjekjet e vaksinës.

Njerëzit në shumë vende të globit, dhe veçanërisht në Evropë këtë javë, po kthehen me kujdes në punë, por autoritetet mbeten të kujdesshme për një valë të dytë të infeksioneve, dhe një vaksinë është i vetmi plumb i artë i vërtetë për të lejuar që të rifillojë jeta normale.

VOA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0