Google ka paralajmëruar përdoruesit e telefonave se duhet të “shmangin përdorimin e Wi-Fi publik sa herë që është e mundur”, duke theksuar se “këto rrjete mund të jenë të paenkriptuara dhe lehtësisht të shfrytëzueshme nga sulmuesit”. Por çfarë do të thotë kjo për ju? A është me të vërtetë e rrezikshme të lidheni me Wi-Fi falas në hotele, aeroporte, kafene apo qendra tregtare? Ja çfarë duhet të dini.
Ky paralajmërim vjen nga udhëzuesi i ri i Google, “Behind the Screen”, për përdoruesit e Android dhe iPhone, në një kohë kur mashtrimet me mesazhe janë rritur ndjeshëm në SHBA dhe gjetkë. Shifrat janë shqetësuese: 94% e përdoruesve të Android janë potencialisht të ekspozuar ndaj sulmeve përmes mesazheve, të cilat, sipas Google, janë kthyer në një “ndërmarrje globale të sofistikuar, që synon të shkaktojë humbje financiare dhe tronditje emocionale tek viktimat e papërgatitura.”
Në një realitet ku 73% e njerëzve janë shumë ose jashtëzakonisht të shqetësuar për mashtrimet mobile, dhe 84% “besojnë se këto mashtrime kanë ndikim shumë të dëmshëm në shoqëri”, çdo masë e thjeshtë që ju mbron – apo ju bën më të sigurt – ka rëndësi. Këtu hyn paralajmërimi për Wi-Fi-in publik.
Lexo edhe: Sa fitojnë shteti dhe biznesi nga paketa fiskale
Google ka dhënë paralajmërime të ngjashme më parë, por ato janë fokusuar kryesisht te rrjetet celulare 2G, të cilat janë të paenkriptuara dhe të pambrojtura, dhe që shfrytëzohen në “SMS Blaster” – sulme ku stacione të rreme lidhen me telefonat pranë tyre përmes 2G dhe dërgojnë mesazhe masive, të rreme, drejt tyre.
Wi-Fi publik nuk është gjithmonë i rrezikshëm, por në shumë raste mund të jetë i pasigurt, prandaj Google këshillon kujdes dhe shmangie sa herë të jetë e mundur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
