Sa orë në javë duhet të punojmë për "të ndryshuar botën"? Elon Musk ka një përgjigje

Sa orë në javë duhet të punojmë për “të ndryshuar botën”? Elon Musk ka një përgjigje

~3 minuta lexim


Elon Musk është shprehur përmes një postimi në Twitter se njerëzit duhet të punojnë rreth 80 deri në 100 orë në javë për “të ndryshuar botën.”

“Ka shumë vende të thjeshta për të punuar, por askush nuk e ka ndryshuar botën duke punuar vetëm 40 orë në javë,” tha Musk duke u referuar katër kompanive, Tesla, SpaceX, The Boring Company dhe Neuralink, në të cilat ai është CEO.

I pyetur nga një përdorues Twitteri për numrin e orëve që i duhen një personi për të punuar çdo javë në mënyrë që “të ndryshojë botën,” Musk u përgjigj duke thënë se idealja varion nga 80 deri në 100 orë.

“Varet dhe nga personi, por 80 qëndron. Niveli i vuajtjes rritet në mënyrë eksponenciale mbi 80 orë,” thotë ai.

Musk tha në një intervistë për Recode në nëntor se ai punonte 120 orë në javë, ndërsa “të gjithë” në Tesla kishin punuar 100 orë në javë herë pas here gjatë këtij viti, pasi Tesla ngriti prodhimin e modelit të saj sedan Model 3. Ai tha se orët e gjata ishin të nevojshme që Tesla të mbijetonte.

“Nuk kishte ndonjë mënyrë tjetër për ta bërë këtë,” tha ai.

Punonjësit e Tesla e kanë përshkruar punën me orë të gjata si diçka që më mirë të mos përsëritet. Disa punonjës kanë thënë se orët e gjata janë të tepruara, ndërsa disa kanë thënë se preferojnë të punojnë 70 ose më shumë orë në javë.

/Time

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Mbani mend...se asnjë nuk mund t'ju bëjë të ndiheni inferior pa miratimin tuaj. ”
— Eleanor Roosevelt
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0