Personazhet, të cilëve u kanë vjedhur llogaritë e tyre të instagram duke u marrë kështu informacionet personale, punësojnë hakera në mënyrë që profili i tyre t’iu kthehet mbrapsht.
Shumë influencers që janë prekur nga ky fenomen thonë se procesi i rifitimit të llogarive të tyre të instagram është kaq i ngadaltë sa janë të detyruar të gjejnë mjete alternative për të rimarrë profilet e tyre. Pavarësisht thirrjeve të përsëritura dhe email-ve që i dërgohen Instagram për t’i ndihmuar ata, hakerët e influencers thonë se në këmbim marrin vetëm email-e të automatizuar të padobishëm.
Lexoni: Influencers shqiptarë që duhet të ndiqni në Instagram
Influencers në mediat sociale e kanë kthyer aktivitetin e tyre online në punë fitimprurëse me orar të plotë, duke u punësuar nga kompani të ndryshme për të reklamuar produktet e tyre pasi zotërojnë dhjetëra mijëra ndjekës. Këto llogari, në platforma si Instagram dhe Snapchat, janë bërë burimi kryesor për jetesën e tyre dhe hakerët e kanë vënë re.
Sipas raporteve nga Motherboard shumë hakera kanë qasje në llogaritë e influencers duke u paraqitur si marka të interesuara në sponsorizim ose reklamim. Duke përdorur email-et që përmbajnë lidhje me phishing, hakerët hyjnë në llogari dhe ndryshojnë email-in dhe fjalëkalimin, të cilët pastaj nuk mund të aksesohen nga pronarët e ligjshëm të llogarisë.
Por kur influencers e prekur kontaktojnë Instagram për të rimarrë llogaritë e tyre, platforma në pronësi e Facebook thuhet se është e padobishme. Politikat e Instagram thonë se pa një email dhe fjalëkalim të llogarisë, përdoruesit duhet të kalojnë nëpër një proces verifikimi për të siguruar që përdoruesi në të vërtetë është pronari i llogarisë. Megjithë hapat e duhur, influencers thanë për Motherboard se përpjekjet e tyre janë të padobishme.
Duke u nisur nga kjo, përdoruesit janë kthyer tek “ekspertët e palës së tretë” dhe “hakerët white-hat” për t’i ndihmuar ata të rimarrin llogaritë e tyre. Një ekspert i tillë tha për Motherboard se ai ka truke për të përshpejtuar progresin e Instagram në rimarrjen e një llogarie. Një metodë tjetër është identifikimi i personit prapa këtij veprimi dhe pastaj hakimi i atij personi për të marrë llogarinë përsëri.
Lexoni: Të punosh me influencuesit në median sociale
“Ne e dimë se humbja e aksesit në llogarinë tuaj mund të jetë një përvojë shqetësuese,” tha një zëdhënës i Instagram në një deklaratë. “Ne kemi masa të sofistikuara për të ndaluar aktorët e këqij para se të fitojnë akses në llogari, si dhe masa për t’i ndihmuar njerëzit të rimarrin llogaritë e tyre”.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
