Rregulli i Principit Pareto 80/20 dhe aplikimi i tij në ekonomi - Business Magazine Albania

Rregulli i Principit Pareto 80/20 dhe aplikimi i tij në ekonomi

Pareto
~3 minuta lexim

Nga Florent Ibrahimi, kontributor

Nëse e keni vërejtur, në të shumtën e rasteve në entitete të ndryshme disa lojtar kryeorë e drejtojnë dhe udhëheqin pjesën më të madhe të suksesit të këtij entiteti, çfarë do që të jetë ai. Kjo njihet si rregulli i 80/20 i cili thotë se 80% e rezultateve vijnë nga vetëm 20% të aktiviteteve dhe inputeve. Më thjeshtë, shumica e rezultateve vijnë nga një pakicë e arsyetueshme.

Megjithëse zbatohet më së shpeshti në biznes dhe ekonomi, rregulli 80/20 mund të zbatohet gjithashtu në fusha si investimi dhe financat personale. Profesionistët këshillojnë që të mos përpiqen të përdorin këtë rregull për të drejtuar në mënyrë AKTIVE strategjinë e investimeve, pasi tregu i aksioneve tani mund të jetë shumë i paparashikueshëm.

Rregulli 80/20 ndihmon njerëzit të identifikojnë dhe të synojnë zonat problematike dhe të përsosin strategjitë aktuale, ose të kuptojnë se ku po shkon veçanërisht mirë një proces dhe të punojnë për ta implementuar atë diku tjetër.

Lexo: 11 këshilla menaxhimi për profesionistë të pavarur

Ku dhe si zbatohet rregulli 80/20?

  • Biznes: Ky parim është përdorur për të vlerësuar dhe përmirësuar menaxhimin (kur 20% e punonjësve prodhojnë 80% të rezultateve), strategjitë e shitjeve (20% e klientëve sjellin 80% shitje) dhe operacionet (80% e defekteve të produktit vijnë nga 20% e problemeve të prodhimit).
  • Financa personale: Rregulli 80/20 përdoret shpesh për të drejtuar buxhetin. Këshillon individët të vendosin 20% në kursime, pavarësisht nëse kjo është një llogari tradicionale kursimesh ose një broker ose llogari pensioni, për të siguruar që ka lënë mjaft mënjanë në rast të vështirësive financiare dhe të përdorin 80% e mbetura në shpenzime.
  • Në investime: Është vërtetuar se 20% e zotërimeve të një portofoli shpesh çojnë në 80% të rritjes së tij. Por për shkak të natyrës së paparashikueshme të bursës, ky rregull shpesh shihet si një mënyrë efektive për të vlerësuar investimet e kaluara në vend që të menaxhojnë ato të së ardhmes.

Këshilla nga financierët

Rregulli 80/20 na tregon se shumica e rezultateve të të ardhurave na vijnë nga vetëm disa pak investime paraprake. Ky rregull mund të zbatohet në shum fusha të ndryshme, ndërsa profesionistet e investimeve preferojnë të mos ndjekin këtë regull. Pë investitorët, më mirë është  të vendosen qëllime të qarta, dhe të posedohet një portofol më i larmishëm për të shmangur rrezikun sa më teper.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Çdo gjë e madhe nisi si diçka e vogël.”
— Peter Diamandis
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0