Realizohen operacione zemre nga distanca me ndihmën e robotëve


Një robot në Indi, ndihmoi mjekët të kryejnë operacionin e parë të zemrës nga distanca. 

“Nga 20 milje larg, kirurgu kontrolloi me anë të një roboti pesë pacientë, të cilët kryen një ndërhyrje në zemër,” –  thotë një kardiolog i Institutit të Zemrës Apex, Tejas Patel dhe Sanjay Shah. Pesë pacientët kishin sëmundje të arterieve koronare, një gjendje e cila përkon me dëmtimin e enëve të gjakut dhe zemra nuk mund të furnizohet mjaftueshëm me gjak.

Mjeku vendosi një strukturë të vogël në enën e gjakut të secilit pacient për ta hapur atë, gjë që lejoi rrjedhjen e gjakut, – thuhet në raport. Autorët vunë në dukje se ky operacion ishte “i suksesshëm në të gjitha aspektet” për pesë pacientët dhe se asnjëri prej tyre nuk përjetoi komplikime procedurale.

Lexo: 8 punët që robotët nuk do të mund t’i bëjnë kurrë

Ndërsa kirurgët kanë përdorur robotë në operacione që nga viti 2001, suksesi i këtyre operacioneve mund të jetë një hap përpara për trajtimin e sëmundjeve të zemrës. Sëmundjet kardiovaskulare janë shkaku numër një i vdekjes në nivel global, sipas Organizatës Botërore të Shëndetit.

Qasje më e madhe në shërbimet mjekësore

Operacionet në distancë do të jenë një benefit për pacientët në vendet më pak të zhvilluara ose zonat rurale që aktualisht nuk kanë qasje në shërbimet mjekësore të sëmundjeve të zemrës, thuhet në raport. Autorët vunë re se teknologjia mund të vendoset “si një shërbim i linjës së përparme në rajone ku një ekspertizë e tillë nuk është e disponueshme”.

Progresi në 5G mund të mundësojë adoptimin e mëtejshëm të kirurgjisë në distancë të ndihmuar nga robotët, tha zyrtari kryesor i investimeve të kompanisë financiare Contego Capital Group, Brian Gahsman, për CNBC.

Përshatatja e kësaj teknologjie është një sfidë, veçanërisht në vendet në zhvillim. Gahsman shpjegoi se në vendet pa një sistem të fuqishëm të kujdesit shëndetësor, kostot mund të rëndojnë pacientët, që duhet të paguajnë nga xhepi. Sidoqoftë, teknologjia e operacionit të kontrolluar nga distanca ka anën e saj pozitive për mjekët e kujdesit shëndetësor. Pacientët, mjekët dhe teknikët mjekësorë që punojnë në laboratorët e kateterizimit, ku bëhen ekzaminimet e zemrës, janë të ekspozuar nga një sasi e lartë rrezesh. Kur ky ekspozim bëhet në masa të larta, atëherë pasojnë efektet anësore për të dyja palët. Me robotë të kontrolluar nga distanca, praktikuesit mund të stacionohen më tej nga laboratori, duke zvogëluar ekspozimin e tyre, tha Gahsman.

Lexo: Robotët mund të zënë mbi 20 milionë vende pune deri në vitin 2030

Sipas një studimi të veçantë në revistën ndërkombëtare Kateterizimi dhe Ndërhyrjet Kardiovaskulare, dëmtimet e kockave ose muskujve që vijnë nga përdorimi i mjeteve mbrojtëse të rënda të praktikuesve, mund të parandalohen. Pra, “arsyet humanitare” si zvogëlimi i ekspozimit ndaj rrezatimit dhe dëmtimi i mundshëm për këta praktikues mund të shkaktojnë adoptim më të madh të teknologjisë, shpjegoi Gahsman.

CNBC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0