Modeli i ri Sentinel i Range Rover, një SUV luksoz i papërshkueshëm nga plumbi që u hodh në treg për herë të parë në vitin 2015, po ndihmon në rritjen e tregut për automjete të blinduara.
Aktualisht gjenden rreth 200 ose 300 mijë automjete të blinduara në të gjithë botën, por vëzhguesit e tregut presin që kjo shifër të rritet edhe më shumë.
Lexoni gjithashtu:
Tesla Model 3 transformohet në një makinë të fuqishme për gara në pista
Sipas një raporti të “LA Times”, biznesi i automjeteve të blinduara është bërë gjithnjë edhe më shumë fitimprurës, me prodhues të shumtë që parashikojnë rritje vit pas viti.
Range Rover Sentinel i vitit 2020 është blinduar në mënyrë të tillë që t’u bëjë ballë një bombe dhe armëve të zjarrit AK-47 ose AR-15.
“Njerëzit janë të shqetësuar nga aktet e dhunës. Avokatët, mjekët, njerëzit e biznesit janë të shqetësuar për familjarët e tyre, të cilët mund të jenë në vendin e gabuar dhe në kohën e gabuar”, ka thënë Mark Burton, nga kompania e armëve ArmorMax.
Lexoni:
Ferrari ka patentuar sistemin që mundëson vozitjen e makinës pa timon
Ndërtimi i një automjeti të blinduar është një çështje e ndërlikuar. Edhe pse automjeti nga pamja e jashtme mund të duket normal, veshja me pllaka antiplumb sjell një kosto dhe një peshë të shtuar që kërkon teknika të tjera nga ana e inxhinierisë.
Modeli i ri Sentinel peshon më shumë se dyfishi i një Range Rover. Për të mbajtur gjithë atë peshë, Sentinel i ri vjen me një motor të fuqishëm V8. Po ashtu, Sentinel i ri vjen i pajisur me një kapëse shpëtimi të pasme, përmes pjesës së bagazhit, në rastet kur dyert e automjetit mund të bllokohen.
Lexoni:
Range Rover nuk e ka zbuluar ende çmimin e Sentinel-it të tij më të ri, por modeli i 2015 filloi me 445,000 dollarë (rreth 404,000 euro).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
