Që të jesh i suksesshëm duhet të thuash JO shpesh 


Të refuzoni mundësinë për një kontratë biznesi të ardhshme që vjen në rrugën tuaj ndonjëherë mund të jetë vendimi më i mirë që keni bërë. E vërteta është, shumë pak drejtues mund t’u thonë Jo këtyre mundësive.

Ka shumë gjëra pozitive në të thënit Jo. Të refuzosh punë dhe detyrime shtesë ju lejon të mbeteni të fokusuar në prioritet tuaja më të mëdha dhe në angazhimet që tashmë keni marrë. Nëse ju nuk e bëni këtë, është e lehtë të gjeni veten të përfunduar në prioritetet e njerëzve të tjerë dhe, para se ta kuptoni, të gjitha projektet e rëndësishme tashmë në listën tuaj të detyrave po “zënë pluhur”.

Lexoni: 4 momentet kur duhet të thuash “JO”, sipas Steve Jobs

Ata që arrijnë suksesin u japin përparësi angazhimeve të tyre dhe qëndrojnë të fokusuar.

Problemi është, pasi të keni arritur një nivel të caktuar suksesi, ju mund të bëheni një objektiv për njerëzit që duan ndihmën dhe kohën tuaj për gjërat që janë të rëndësishme për ta. Dhe sa më shumë që mund të doni të ndihmoni, progresi varet nga aftësia juaj për të mbajtur në fokus atë që fillimisht dëshironit të bënit.

Kjo është e vështirë për shumicën e njerëzve, sepse askush nuk dëshiron të duket i përqëndruar në vetvete dhe mospërfillës ndaj nevojave të të tjerëve.

Shumë liderë nuk dinë si të thonë jo

Sipërmarrësit në veçanti kapin çdo mundësi të re dhe kanë dëshirë për të ndihmuar, shpesh kjo është ajo që i bën ata të vendosin biznesin të parin. Mund të jetë e vështirë të dallosh mes të qenit egoist dhe të vendosësh veten të parën.

Shumica gjithmonë haset me dilemën për të gjetur mënyrën e duhur për të thënë jo. Në një podcast të Tim Ferriss, “The Tim Ferriss Show” me titull “Si të thuash jo” ju mund të mësoni shumë gjëra.

Lexoni: EKSELENCA VJEN DUKE THËNË ‘JO’

Në episod, Ferriss diskuton se si disa nga njerëzit më të njohur dhe më të suksesshëm, të cilët ai donte që të ishin pjesë e librit të tij “Tribe of Mentors” thanë jo për ofertën. Ai madje botoi disa nga përgjigjet e tyre për të ilustruar se sa të ngjashme ishin letrat e tyre të refuzimit.

Ajo që ai zbuloi ishte: Njerëzit e suksesshëm thonë Jo për 90% të gjërave që u kërkohet prej tyre. Ata thjesht nuk kanë kohë për të përfituar nga çdo mundësi. Por për arsye se ata thonë jo kaq shpesh, mësojnë ta bëjnë atë në një mënyrë që është efektive dhe me respekt. Kjo lë përshtypje pozitive tek të tjerët.

Lexoni: Si të thuash ‘Jo’ dhe prapë të pëlqehesh

Çdo përgjigje e publikuar nga Ferriss kishte elemente të ngjashme strukturore:

  1. Mirënjohje personale
  2. Ata pranojnë se po bëjnë shumë punë dhe mesazhi i tyre është i llojit “Jam unë problemi, jo ju”
  3. Ata thonë se duhet të përqëndrohen në prioritetet e tij / saj në këtë moment
  4. Shpjegojnë këto prioritete (shumë njerëz kanë nevojë për detaje për t’u simpatizuar)
  5. Japin informacion se pse realizimi i angazhimeve ekzistuese është më i rëndësishëm sesa marrja e atyre të rejave
  6. Japin arsye pse nuk po realizojnë takime, telefonata apo projekte të reja

Në fund të ditës, ka një ndryshim në mes të qenit egoist dhe të vendosësh veten në vend të parë

Ndonëse është e rëndësishme të qëndroni të hapur ndaj mundësive të reja, është mirë që të mbani angazhimet e reja në përputhje me prioritetet tuaja ekzistuese. Nëse nuk kujdeseni për veten dhe nevojat tuaja, do të zbuloni se ju do të keni gjithnjë e më pak për të dhënë – si për prioritetet tuaja ashtu edhe për projektet për njerëzit që dëshironi të ndihmoni në jetën tuaj.

burimi: ThriveGlobal

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0