Punonjës të Google largohen pas projektit të dronit ushtarak me Pentagon


Një numër i madh punonjësisht të “Google” janë larguar nga kompania pas përfshirjes së saj në Project Maven, një projekt i Pentagon për ndërtimin e një droni ushtarak, i cili ndihmohet nga inteligjenca artificiale (AI). Ndërkohë 4000 punonjës të “Google” kanë firmosur një peticion për shkëputjen nga ky projekt dhe mos përfshirjen e “Google” në projekte ushtarake në të ardhmen.

Project Maven, kërkon që të ndihmojë ushtrinë të analizojë pamje të dronit më shpejt nëpërmjet machine learning. Qëllimi është të identifikohen objekte dhe njerëz për t’u rishikuar nga njerëz më pas. Ata që dhanë dorëheqjen, folën për probleme etike mbi përdorimin e AI në operacione me drone si dhe përfshirjen e gjërë në projekte të sferës politike dhe ushtarake. Për shembull, Google sponsorizoi Konferencen Konservatore të Veprimit Politik pak kohë më parë.

Disa të tjerë thanë se “Google” sa vjen e po bëhet më pak transparente me punonjësit mbi vendimet dhe drejtimet e kompanisë.

Opozita ndaj Maven duket se po rritet akoma edhe më shumë brenda kompanisë. 1 muaj më parë 3100 punonjës kishin firmosur peticionin. Rreth 5.4% e punonjësve kanë ngritur zërin lidhur me këtë. Ndërkohë Google është duke vazhduar, dhe duke cituar që projekti është open source, dhe ushtria mund t’a përdorë atë edhe pa kompaninë.

Disa nga punonjësit që u larguan dhe disa nga ata që kanë firmosur peticionin, thonë se veprimi i kompanisë bie ndesh me “ethos”-in e Google. Motoja “Mos ji ëngjëll” ka qënë prej kohësh në zemrën e parimeve të kompanisë. Kompania insiston se inteligjenca artificiale nuk po përdoret për të realizuar sulme. Por, vetëm përfshirja e kompanisë në projekte të tilla ka irrituar disa punonjës.

Burimi: Engadget

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale