Pse shqiptarët drejtohen për blerjet online drejt Kinës? - Business Magazine Albania

Pse shqiptarët drejtohen për blerjet online drejt Kinës?


Tre muaj pas hyrjes në fuqi të ligjit, i cili uli pragun për blerjet online, operatorët postarë kanë konstatuar një tendencë në rënie. Ata theksojnë se kjo ka diktuar një tjetër sjellje te njerëzit, të cilët po blejnë më shpesh e në shuma më të vogla. Në anën tjetër është favorizuar tregtia me Kinën.

Për vitin 2017, qeveria parashikon një efekt prej 250 milionë lekësh nga vendosja e kufirit të taksueshëm për blerjet online, nga 150 në 22 euro. Kjo masë u adoptua në muajin gusht 2016 e padyshim ka nisur të japë efekte. Statistikat zyrtare të plota nga të gjithë operatorët ende nuk janë publikuar, por disa operatorë postarë vërejnë se kjo ndikoi në rënien e kërkesës për blerje online. Ky ishte një sinjal që operatorët e dhanë edhe pak pas hyrjes në fuqi të ligjit, kur theksuan se porositë pothuajse ishin përgjysmuar.

Drejtori i përgjithshëm i Postës Shqiptare, Majlind Lazimi, thotë se institucioni që ai drejton nuk mban statistika të veçanta për blerjet online, pasi në fokus është kryerja e shërbimit postar, pavarësisht se cili është dërguesi apo marrësi. “Megjithatë, duke konsideruar si blerje online objektet postare që dërgohen në Shqipëri nga disa adresa të njohura si kompani që tregtojnë online dhe nëse do të analizojmë shifrat që prej marrjes së vendimit për taksimin doganor, për momentin nuk vërejmë ndonjë ndryshim as te koliposta e as te paketat, megjithëse përgjithësisht blerjet online vijnë si paketa. Gjithsesi, vetëm dy muaj matje (pas vendimit doganor) nuk janë të mjaftueshëm për të arritur në një përfundim të saktë. Kjo do të jetë e mundur pak a shumë në fund të këtij viti”, thotë z. Lazimi.

1Ndërsa të dhënat që ofron United Transport sh.p.k. (Uni Trans) deri në mesin e muajit shtator tregojnë se rënia ka qenë në mbi 30%. Kjo shifër është pothuajse e dyfishuar në krahasim me muaj si maji, qershori apo korriku i këtij viti, por edhe me të njëjtën periudhë të 2015-s.

 

Drejtuesit e Postës Shqiptare sqarojnë gjithashtu se mospasja e ndryshimeve në aktivitetin postar pas marrjes së vendimit për uljen e pragut mund të interpretohet me arsyetimin se klientët nuk i kanë ndërprerë blerjet online, por mund të kenë ulur pragun e vlerës, në mënyrë që të mos kalojnë shifrën 22 euro, mbi të cilën duhet të paguhet një detyrim prej 22.4% (TVSH-në 20% dhe taksën doganore 2.4%, në total 22.4%).

Në këto kushte, argumentohet se mund të jemi përpara një situate kur kemi porosi më të shpeshta, por me vlera më të vogla.

Kina, fiton terren

Blerjet online pëlqehen kryesisht nga të rinjtë. Operatorët postarë thonë se shtetet kryesore nga vijnë pakot janë Italia dhe SHBA, por së fundmi është vënë re një tendencë e lehtë në rritje për blerjet në vendet aziatike.

Sipas Postës Shqiptare, nga gushti deri në fund të tetorit, origjina e objekteve, postare të cilat mund të jenë blerje online, nuk ka ndryshuar në përqindje. Dërgesat, sipas tyre, vijnë kryesisht nga Kina, Singapori, SHBA-ja dhe Mbretëria e Bashkuar. “Dërgesat e ardhura nga Kina nuk kanë pasur ndonjë rritje të ndjeshme në tre muajt e fundit”, thonë drejtuesit e Postës Shqiptare.

paketa-postaNdërsa drejtuesit e shoqërisë United Transport, thonë se blerjet nga Kina dhe Hong Kongu kanë shënuar rritje të ndjeshme që mund të llogaritet deri në 135% në fund të shtatorit të këtij viti, krahasuar me të njëjtën periudhë të një viti më parë. Ndër destinacionet e preferuara për blerje online, sipas kësaj kompanie janë Italia (e cila zë rreth 33%), SHBA-ja (17%) dhe Mbretëria e Bashkuar (rreth 10%).

 

Bumi i shitjeve me pakicë online

Në vitin 2016, shitjet me pakicë online parashikohet të arrijnë në rreth 1.8 trilionë dollarë. Por, ky trend pritet të rritet edhe më tej, pasi llogaritet që në vitin 2018, kjo shifër të jetë rreth 8.8% më e lartë se në 2016-n, duke arritur në rreth 2.4 trilionë dollarë. Studimi i publikuar nga Invesp bën të ditur se sa u përket shteteve, Mbretëria e Bashkuar pritet të ketë shitjet më të mëdha në e-commerce me rreth 15.6%, e ndjekur nga Kina (13.8%), Norvegjia (11.5%), Finlanda (10.8%) dhe Koreja e Jugut (10.5%).

Taksimi online çon në buxhet 250 mln lekë

Efekti i përllogaritur si rezultat i vendosjes së kufirit të taksueshëm për blerjet online, nga 150 në 22 euro, masë e adoptuar në muajin gusht 2016 pritet të sjellë rreth 250 milionë lekë në Buxhetin e vitit 2017.

Vendimi i gushtit

Vendimi i qeverisë për taksimin e blerjeve online me mbi 22 euro hyri në fuqi në gusht. Në të parashikohej se edhe për dhuratat apo dërgesat që qytetarët marrin nga jashtë, taksimi fillon nga kufiri 45 euro.

Më parë, dërgesat online deri në 145 euro nuk kishin nevojë për zhdoganim dhe posta e sillte mallin direkt në shtëpi.

 

burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0