Organizata për zgjedhje të vendeve më të mira për investim – “Site Selectors Guild” në Konferencën që u mbajt në Tuson, Arizonë në SHBA i dha çmimin internacional vjetor “2017 International Best Practice Award”, “Invest Maqedoni” për kontributin e madh në zhvillim ekonomik dhe praktikat më të mira të prezantuara në dekadën e fundit të punës.
“Nder i madh dhe kënaqësi është që të jeni të nominuar dhe pastaj edhe të shpërblyer për Agjencinë më me shumë merita për investime të huaja dhe promovim të eksportit, me praktikat më të mira të prezantuara në periudhën e fundit prej nëntë vitesh. Edhe më shumë që ky çmim global vjen pikërisht nga duart e Organizatës me emër botëror për zgjedhjen e vendeve strategjike për investim, që natyrisht paraqet motiv shtesë që të vazhdohet në drejtimin e njëjtë me implementimin e strategjisë nacionale për tërheqjen e kompanive të huaja në vend përmes krijimit të ofertës relevante dhe kredibile për investim në vendin tonë”, deklaroi zëvendës drejtoresha e Agjencisë për investime të huaja dhe promovim të eksportit Ivana Nikolliq.
Roel Spee, njëri prej konsulentëve dhe anëtar i Bordit të kësaj Organizate, i cili e dorëzoi çmimin, theksoi se disa nga kriteret dhe faktorët e përgjithshëm sipas të cilëve “Invest Maqedoni” është përzgjedhur si Agjencia më me shumë merita për vitin 2017 janë marketing promovimi më intensiv dhe përkushtimi ndër vite, i cili ka rezultuar me vendosjen e Maqedonisë në hartën e shumë investitorëve të huaj, por edhe të konsulentëve si ata, të cilët iu ndihmojnë kompanive të huaja për zgjedhjen e lokacionit më të mirë strategjik për të investuar.
burimi: koha.mk
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
