Me fillimin e vitit të ri, shumë sipërmarrës të rinj ndihen të pasigurt dhe të tensionuar për projektet e tyre. Por, ankthi që ndjejnë nuk është shenjë dështimi, përkundrazi, mund të jetë një sinjal që tregon rrugën drejt suksesit. Ekspertët e Forbes thonë se të kuptuarit dhe menaxhimi i ankthit entrepreneurial është çelësi për të ecur përpara me qetësi dhe siguri.
Ankthi entrepreneurial është pothuajse një rite kalimi për fillestarët, veçanërisht në fazat e para kur pasiguria duket e përhershme dhe çdo vendim duket personalisht i rëndësishëm. Sipas 20 anëtarëve të Forbes Coaches Council, ankthi shpesh tregon se po bëni diçka për herë të parë, jo se po gaboni.
Disa këshilla kyçe që sipërmarrësit e rinj duhet të mbajnë mend:
-
Kuptoni ankthin, mos e luftoni: Ankthi është informacion për t’u menaxhuar, jo problem që duhet eliminuar.
-
Zëvendësoni “Po dështoj?” me pyetjen “Po ecën mirë?”: Fokusohuni tek gjërat që kontrolloni dhe tek rezultatet konkrete.
-
Shkallëzoni kapacitetin, jo veten: Mbështetuni tek ekipi dhe delegoni përgjegjësitë për të ulur presionin.
-
Merrni vendime të qëllimshme për punësimin: Zgjidhni njerëz që ndajnë vlerat dhe kulturën e biznesit tuaj.
-
Transformoni ankthin në të dhëna për veprime strategjike: Mos e shikoni ankthin si dobësi, por si një sinjal që ju tregon se çfarë pjesë të biznesit duhet të përmirësoni.
Ekspertët nënvizon se fillestarët nuk duhet të kërkojnë përsosmëri, por përparim të vogël dhe të vazhdueshëm. Ankthi dhe pasiguria mund të kthehen në motiv dhe udhërrëfyes për vendime më të mira, nëse trajtohen me vetëdije dhe strategji.
Në vend që të kërkoni të jeni të përsosur që në fillim, ekspertët këshillojnë të merrni hapa të vegjël, të mbani fokusin tek veprimi i radhës dhe të përdorni ankthin si udhëzues. Viti i ri mund të bëhet fillimi i një aventure të suksesshme, ku ankthi nuk është armik, por mjet për të ndërtuar një biznes të fortë dhe të qëndrueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
