Pse askush nuk do të ketë një makinë pas 25 vitesh?

Disa dekada më vonë, të paturit një makinë do të jetë e ngjashme me të paturit një kalë, më shumë për koleksion dhe transport të panevojshëm.

Teknologjitë si makinat që ecin vetë të kombinuara me rrjetin e transportit si Uber do të vrasin nevojën për të patur një makinë në 25-30 vitet e ardhshme, thotë Jamais Cascio, një shkencëtar nga Instituti për Etikë dhe Teknologji Emergjente.

Lexoni: Fundi i të qënit pronar i makinës tënde

“Në ditët e sotme të gjithë janë të apasionuar pas makinave, por më kalimin e kohës ne do të ndryshojmë mendimin që kemi për to. Raporti me makinat do të na duket po aq i çuditshëm sa na duket mardhënia që njerëzit kishin më parë me kuajt,” tha Cascio.

Cascio argumenton se modeli tradicional i makinave do të dalë nga moda sepse makinat vetëlëvizëse thjesht janë më efikase. Njerëzit nuk do t’i përdorin më makinat sepse do të jetë më praktike për ta të përdorin transportin vetëlëvizës.

Lexoni: Brenda një dekade, makinat elektrike do të kushtojnë më pak se makinat me benzinë

Në vetëm 15 vite, tregu i makinave pa shoferë pritet të kapi të ardhura deri në 87 milionë dollarë. Kjo shpjegon arsyen pse gjigandët Google dhe Uber dhe çdo prodhues tjetër po i kushtojnë shumë vëmendje teknologjisë.

Më shumë se 10 shtete janë duke shqyrtuar legjislacionin që lidhet me makinat vetëlëvizëse.

Gjithsesi ky model do të jetë i kufizuar vetëm në qytete. Për të udhëtuar nga rajoni në rajon, do të përdoren sisteme të avancuara të transportit, siç janë hekurudhat me shpejtësi të lartë.

/BusinessInsider