Bloomberg New Energy Finance i sheh makinat elektrike më të lira se ato tradicionale deri në vitin 2030.
Kërkimet e bëra nga Bloomberg New Energy Finance tregojnë se rënia e kostove të baterisë do të thotë se automjetet elektrike gjithashtu do të jenë më të lira për t’u blerë në SHBA dhe Europë rreth vitit 2025.
Bateritë aktualisht përbëjnë rreth gjysmën e kostos së automjeteve elektrike (EV) dhe çmimet e tyre do të bien për rreth 77% midis vitit 2016 dhe 2030.
“Në një zhvillim të menjëhershëm, këto gjëra do të fillojnë të bëhen më të lira dhe njerëzit do të fillojnë t’i përdorin ato më shumë, sepse çmimi i tyre do të jetë i përballueshëm”, tha Colin McKerracher, një analist në qendrën e hulumtimeve në Londër.
Lexoni: Makinat elektrike do të mund të karikohen edhe kur janë në lëvizje
Renault, krijues i makinës elektrike Zoe, parashikon që shpenzimet e përgjithshme të automjeteve EV (makina elektrike) do të jenë të barabarta me automjetet tradicionale, me motor me djegie të brendshme, në fillim të vitit 2020.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
