“Princ Hotel” - Ju prezantojmë me resortin e parë shqiptar - Business Magazine Albania

“Princ Hotel” – Ju prezantojmë me resortin e parë shqiptar


Në Rërën e Hedhur në Shëngjin është përuruar resorti i parë shqiptar, një investim 7 milionë euro i biznesmenit shqiptar nga Maqedonia Z. Adem Abdullai.

Më në fund në Shqipëri u ngrit një miniresort i parë. Në Rërën e Hedhur afër Shëngjinit. Dhe krejtësisht investim shqiptar. Plot 7 milionë euro. Me emrin ‘Princ”, ndërtuar nga kompania “Prince Enterprise” shpk e shqiptarit nga Maqedonia Z. Adem Abdullai i njohur për biznese në fushën e ndërtimit dhe në linja marketesh në Maqedoni.

U përurua në 7 korrik mes qindra të ftuarish në fushën e turizmit, artit, medias, të cilët me veshjet e tyre elegante, rrallëkund mund të përshtateshin si në hollet, korridoret, tarracat luks të hotel “Prince” me 5 yje, me 3 dhe 5 kate e 1 kat parkimi nëntokë. Hotelit që të befason për arkitekturën moderne, projektuar tërësisht nga arkitektë shqiptarë, por që të kujton vilat e Hollivudit; me fasadë rrezëllitëse të bardhë, u mbizotërojnë hapësirat e xhamta, në formën e valëve të detit që gjendet përballë detit me plazhin me rërë të zezë e çadra të kuqe e të bardha. Një fasadë që në çdo këndvështrim shkrihet me peizazhin rrethues.

Hotel me plot 6000 m² sipërfaqe, me 81 dhoma, ndër të cilat 6 janë suita dhe 12 deluks me pamje nga deti. Me një pishinë verore të vogël, bare, restorante me kapacitete deri në 200 vende, sallë konferencash me kapacitete 70 vende apo edhe disko verore e të tjera ambiente rekreative për fëmijët.

/Artikulli u publikua më parë në faqen 60 të numrit 11 të revistës Business Magazine Albania. Ju mund të Shfletoni Këtu nr. 11 të saj.

Edhe ambiente rekreacioni me fusha sportive dhe ambiente pushimi. Por krejt i veçantë është edhe holli i brendshëm rekreativ i hotelit, ndryshe nga hotelet me çka na është mësuar syri. Ai është aq i hapur, sa perceptohet vizualisht nga katet e tjera. Kjo i sjell hotelit më shumë komunikim hapësinor, pasi dhomat nuk janë më në korridore të mbyllura nga të dy krahët. Aty mund të shohësh lirisht edhe nga dera e dhomës së hotelit në çdo kat festa si kjo e përurimit të pazakontë të këtij hoteli.

Por pse Z. Adem Abdullai vendosi të investonte në Shqipëri e pse pikërisht në Rërën e Hedhur?

“Bregdetin ne Shqipëri e kam parë që në vitet ’90. Rëra e Hedhur më ka pëlqyer shumë, sepse ishte krejt e paprekur. Edhe klima këtu është e mirë, uji i pastër, edhe kodra e bën të vetën. Shqiptarët e Shqipërisë, Kosovës, Maqedonisë por edhe diasporës duhet të vijnë të punojnë këtu. E kështu rrogat mujore do të rriten. Për 4-5 vite mendoj se rrogat e Shqipërisë do të jenë më të lartat e Europës. Shqipëria tani është lider i Ballkanit e unë besoj se edhe të tjerë biznesmenë të tjerë shqiptarë që njoh do të vinë të investojnë në Shqipëri”,-  u shpreh Z. Adem Abdullai në intervistën për Business Magazine Albania.

Cilët pritet të jenë pushuesit e këtij hoteli?

“Nuk do të ketë vend në hotelin tonë. Do kemi pushues jo vetëm nga Kosova, Maqedonia, por nga gjithë Europa”. Nga 45 euro për njeri këto ditë një natë në Hotel Prince mund ta gjeni edhe me 35 euro, ku përfshihet mëngjesi, çadra dhe shezlongu, por edhe përdorimi i pishinës, përveç detit dhe rërës së famshme kurative të Rërës së Hedhur, që aty e ka vetëm disa hapa larg. Ndoshta jo të gjithë munden ta kenë fatin ta shijojnë këtë mjedis high-class, por atyre që xhepi ua mban, nuk duhet që këmbët mos t’i mbajnë në të vetmin resort shqiptar – “Princ Hotel“.

/Artikulli u publikua më parë në faqen 60 të numrit 11 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 11 të saj.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0