Presidenti i Bankës Botërore, David Malpass: "Kina ka shumë borxhe, do të punojmë me të" » Business Magazine Albania – Media Dixhitale dedikuar Sipërmarrjes
Përditësuar së fundmi: 12/04/2019

Presidenti i Bankës Botërore, David Malpass: “Kina ka shumë borxhe, do të punojmë me të”

Share
nga Anerola Torollari
Pri 12, 2019
Studied at Faculty of Science, Content Editor Biznesi at Business Magazine
lexo me teper >

Ka shumë borxhe që lundrojnë nëpër botë dhe Kina është një arsye e madhe pse po ndodh kjo, tha të enjten Presidenti i Bankës Botërore, David Malpass.

“Kina ka shumë borxhe, prandaj dhe ne duhet të punojmë shumë me të,” tha Malpass për CNBC.

Kina ka huazuar triliona dollarë në vende të tjera, duke përfshirë SHBA. Që nga janari, Kina i detyrohet 1,12 trilionë dollarë thesarit të SHBA, sipas të dhënave nga Departamenti i Thesarit.

Malpass ka qenë një kritik i përpjekjeve të Kinës për të financuar iniciativën e saj të infrastrukturës “One Belt, One Road”. Vitin e kaluar, ai tha se këto kredi i lënë vendet më të dobëta me “borxhe të tepruara dhe projekte me cilësi të ulët. ”

Të enjten, Malpass tregoi se Kina është e gatshme të bashkëpunojë duke vënë në dukje: “Ata duan të shohin një marrëdhënie më të mirë me vendet e tjera dhe të jenë pjesë e sistemit botëror. Pres që të jem i suksesshëm në këtë dhe të kem një marrëdhënie të mirë me Kinën”.

Malpass gjithashtu ka kritikuar Kinën për marrjen e kredive me kosto të ulët nga Banka Botërore edhe pse është ekonomia e dytë më e madhe në botë dhe tejkalon pragun e të ardhurave të bankës për kredi me kosto të ulët në 2016.

“Kina pranon se roli i saj si një huamarrës në bankë duhet të zvogëlohet,” tha Malpass. Ai gjithashtu vuri në dukje se kreditë e Bankës Botërore në Kinë kanë rënë, duke shtuar se ai pret që kjo të vazhdojë gjatë tre viteve të ardhshme.

Malpass u zgjodh në postin e tij të premten e kaluar. Para se të bashkohej me Bankën Botërore, Malpass shërbeu si sekretar i çështjeve ndërkombëtare në Departamentin e Thesarit.

burimi: cnbc