A e keni menduar ndonjëherë sa mirë do të ishte nëse fëmijët tuaj do t’i menaxhonin paratë më mirë se ju? A po përballeni me një fëmijë që nuk ia di vlerën parasë dhe shpesh gjendeni me një adoleshent që kërkon të shpenzojë gjithnjë e më shumë, apo me një fëmijë të vogël që qan çdo herë që shkoni në supermarket apo qendër tregtare?!
Edukimi financiar i fëmijëve, familjarizimi i tyre me paranë, punën, fitimin, humbjen e disa koncepte bazë të sipërmarrjes janë një zgjidhje e zgjuar. Nuk është herët të rrënjosen disa sjellje të mira financiare që fëmijë.
Qendra Kallz ka zhvilluar një program për fëmijë duke e sjellë në kursin e financave personale. Së fundi, qendra po zhvillon disa seanca informuese me prindërit e interesuar rreth përmbajtjes së programit dhe formës së përfshirjes së fëmijëve. Edukimi financiar që fëmijë është një risi, që mundëson një jetë më cilësore për të ardhmen e fëmijëve, për familjen, por edhe për të gjithë shoqërinë.
Alvina Zanaj, Drejtuese Didaktike e qendrës thotë, se “përmes këtij kursi, synojmë të njohim fëmijët me paranë, konceptet bazë, me vlerën e punës, kursimit, shpenzimet e zgjuara. Të gjitha këto nëpërmjet lojës”.
Gjatë muajit Nëntor u zhvilluan disa seanca informuese me prindërit nga trajnerja dhe drejtuesit e qendrës.
Gjatë takimit të fundit me prindërit, trajnerja theksoi se kursi i financave për fëmijë, do të vijë në formën e lojës. Ata do të njihen me histori, fakte interesante, do të zhvillojnë lojëra për të mësuar dhe madje do të nisin një sipërmarrje të vogël në grup.
Pjesë e programit do të jenë edhe videot animuese dhe fletat e punës, të cilat e bëjnë edhe më të lehtë mësimin dhe ruajtjen e koncepteve.
Lexo: Tony Robbins ju tregon rrugën më të sigurt drejt pavarësisë financiare
Çfarë synon ky kurs?
1-Përgatit konsumatorë të mençur. T’i mësojmë fëmiijët të shpenzojnë në mënyrë të mençur paratë dhe të mos bien në grackat e tregut.
2- Mundësi për vendime të shëndosha financiare. T’i mësojmë fëmijët të përdorin në mënyrë të zgjuar paranë dhe të dinë të ndërtojnë mirëqenien ekonomike nesër.
3- Të formojë qytetarë të denjë. T’i ndihmojmë fëmijët të jenë votues, taksapagues dhe konsumatorë më të ndërgjegjshëm në të ardhmen.
Ju mund të regjistroni fëmijën tuaj duke kontaktuar pranë Qendrës “Kallz” në mediat sociale, numrin e telefonit 0675431058 ose email: [email protected].
Kursi nis me 30 Nentor, dhe zhvillohet për tre muaj rresht, dy herë në javë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
