Planet e abonimit të Volvo tashmë fillojnë nga $600 (me siguracion)


Në Shtator 2017, Volvo prezantoi planin e saj se do të fillonte të ofronte plane abonimi për makinat e saj duke filluar nga modeli i saj “entry level” SUV i quajtur XC40. Pak ditë më parë, në Los Angeles Auto Show ajo foli më konkretisht për këtë. Abonimet fillojnë nga $600 në muaj, për një periudhë 2 vjeçare, ashtu siç ndodh edhe me kompanitë e telefonisë.

I quajtur “Care by Volvo”, ky program do të fillojë në vitin 2018. Ato çka nuk përfshihen në çmim janë: taksat, pagesat e regjistrimit dhe karburanti.

Përsa i përket atyre çka përfitohen, vijon si më poshtë:

  • Volvo XC40 me paketat “Premium” dhe “Vision”, dhe me shumë opsione të tjera estetike ose funksionale.
  • Shërbim ndaj klientit 24 orë dhe asistencë rrugore.
  • Shërbimet e kryera sipas fabrikës.
  • Mbrojtje për gomat dhe disqet (Nëse bën më pak se 15.000 milie në vit
  • Siguracion premium

Për $700 në muaj, Volvo ofron një XC40 me paketën R-Design, e cila përfshin disqe 20-inch dhe sistem audio Harman Kardon. Të gjitha modelet do të jenë prezente në dyqanet e Volvo në të gjithë Shtetet e Bashkuara në vitin që vjen.

Lexoni: Audi USA, sekretet e shërbimit të saj. Shpejtësi dhe kujdes i veçantë

Ashtu siç funksionojnë edhe disa plane të smartphone, të abonuarit mund ta ndërrojnë makinën me një të re 12 muaj pas abonimit, nga e cila do të dalë një kontratë e re 24 mujore. Deri më tani, Volvo nuk ka dhënë më detaje se cilat modele do t’i shtohen programit. Dhe ashtu si edhe programet e leasing, ti nuk do mund ta blesh makinën në fund të abonimit.

Suedezët nuk janë të parët që ofrojnë programe të tilla. Më herët Cadillac dhe Porsche kanë prezantuar programe të ngjashme.

Burimi: The Verge

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale