Përurohet Driza HEC, investim ky që u mundësua me mbështetjen e ProCredit Bank. - Business Magazine Albania

Përurohet Driza HEC, investim ky që u mundësua me mbështetjen e ProCredit Bank.


ProCredit Bank ka mbështetur ndërtimin e Driza HEC nga kompania Mesopotam Energy në qytetin e Sarandës, me një kapacitet prej 2,1 MW.  Vlera e këtij investimi shkon përafërsisht në 2 milionë Euro dhe është një nga investimet më të rëndësishme të zonës që realizohet nga investitorë privatë.

Si një partner i besueshëm dhe i qëndrueshëm i bizneseve vendase, ProCredit Bank Shqipëri vazhdon të investojë në forcimin edhe më tej të përqasjes së saj mjedisore. Me synim promovimin e zhvillimit ekonomik të qëndrueshëm, ProCredit Bank synon të luajë një rol të rëndësishëm në rritjen e ndërgjegjësimit mjedisor si dhe në mbështetjen e klientëve të saj në realizimin e investimeve në teknologji dhe pajisje të reja që kursejnë energjinë.

Krahas financimeve në pajisje dhe makineri efiçente për biznesin dhe agrobiznesin si dhe përmirësimeve të kushteve të jetesës për individët, ProCredit Bank mbështet dhe investimet në fushën e energjive të rinovueshme siç është hidroenergjetika.

Në këtë kuadër banka ka mbështetur dhe investimet e ndërtimit të HEC-eve të vegjël, më i fundit është Driza HEC nga kompania Mesopotam Energy në qytetin e Sarandës, me një kapacitet prej 2,1 MW. Vlera e këtij investimi shkon përafërsisht në 2 milionë Euro dhe është një nga investimet më të rëndësishme të zonës që realizohet nga investitorë privatë.

Z. Koço Gjilo, administrator i Mesopotam Energy u shpreh se: “Vlen të përmendet që natyra e vendit tonë dhe burimet ujore favorizojnë investime të tilla por në të njëjtën kohë duhen respektuar planet e administrimit të baseneve lumore dhe planet strategjike mjedisore. Ndaj në projektin tonë janë angazhuar profesionistë të shumtë të kësaj fushe duke dhënë një kontribut thelbësor në ndjekjen dhe zbatimin e standardeve.”

ProCredit-Bank-Driza-Hec-BusinessMag-Perurimi-Adela-Leka

 

Në datën e inaugurimit të këtij HEC-i ishte e pranishme dhe Znj. Adela Leka, Drejtuese e Drejtorisë Ekzekutive të ProCredit Bank Shqipëri. Ajo nënvizoi se:

“Investime të tilla ofrojnë përfitime të ndryshme pasi ndikojnë në zhvillimin e industrisë dhe ekonomisë të vendit tonë si dhe përdorimi i tyre ka ndikim të ulët mjedisor në krahasim me përdorimin e burimeve fosile. Jam e gëzuar që sot inaugurojmë investime të tilla që dëshmojnë më së miri përqasjen tonë të biznesit. ProCredit Bank, tashmë prej 2 dekadash vazhdon të jetë shumë aktive në financimin e masave Eko për të përmbushur sa më mirë nevojat e bizneseve”

Shfrytëzimi racional dhe i kontrolluar i rezervës hidrike nëpërmjet ndërtimit të HEC-eve të vegjël, përveç rritjes së prodhimit të energjisë elektrike nga burimet alternative ka edhe disa përparësi të tjera shumë të rëndësishme. Prania e tyre ndikon drejtpërdrejt në plotësimin e kërkesës energjitike vendase gjithmonë në rritje duke sjelle pse jo dhe një pavarësi të vendit tonë nga importi i energjisë dhe nga ana tjetër investime të tilla bëhen kontribues të rëndësishëm përsa i përket zvogëlimit të humbjeve të energjisë dhe rritjes së efiçencës në konsumin e saj.ProCredit-Bank-Driza-Hec-BusinessMag-perurohet

Një përbërës thelbësor në misionin e zhvillimit të të gjithë bankave ProCredit, është mbrojtja e mjedisit si dhe sigurimi që zhvillimi ekonomik që mbështetet nga institucionet ProCredit është gjithashtu i qëndrueshëm përsa i përket aspektit mjedisor dhe shoqëror. Ndjeshmëria për çështjet mjedisore dhe efiçencën e energjisë është artikuluar prej një kohe të gjatë në ProCredit Bank, që në vitin 2009 duke qënë banka e parë në Shqipëri që promovoi dhe ofroi kredinë Eko.

Në këtë 20 vjetor të operimit të saj në Shqipëri, kjo bankë ofron edhe më tepër kushte të favorshme për nxitjen e investimeve në bizneset vendase.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0