Personat nën 30 vjeç duhet të marrin vetëm vaksinën e BioNTech, sipas STIKO - Business Magazine Albania

Personat nën 30 vjeç duhet të marrin vetëm vaksinën e BioNTech, sipas STIKO

vaksinën e BioNTech

Sipas Komisioni të Përhershëm të Vaksinimit të Gjermanisë, STIKO, personat nën 30 vjeç në të ardhmen duhet të vaksinohen kundër koronas vetëm me vaksinën BioNTech/Pfizer.

Sfondi i rekomandimit janë rastet e miokarditit dhe perikarditit në këtë grupmoshë. Komisioni i Përhershëm i Vaksinimit (STIKO) tani rekomandon vetëm vaksinën BioNTech/Pfizer kundër virusit korona për personat nën 30 vjeç. Analizat aktuale treguan se miokarditi dhe perikarditi janë vërejtur më shpesh tek djemtë dhe të rinjtë dhe tek vajzat dhe gratë e reja pas vaksinimit me vaksinën Moderna (Spikevax), sesa pas vaksinimit me vaksinën BioNTech, tha komisioni.

Prandaj, rekomandimi lidhur me vaksinën Covid 19 do të aktualizohet. Projektvendimi u ka shkuar për miratim ekspertëve të shëndetit dhe landeve federale, bëhet e ditur. Prandaj ende janë të mundura ndryshime.

Rrjedha e miokarditit (inflamacion i muskulit të zemrës) dhe perikarditit (inflamacion i qeses së zemrës) është “kryesisht e butë” sipas raporteve të sigurisë të disponueshme deri tani, thuhet më tej. Për njerëzit 30 vjeç e lart, nuk ekziston rreziku i shtuar i miokarditit ose perikarditit.

Lexoni: Moderna, qeveria amerikane në mosmarrëveshje për patentën e vaksinës COVID-19

Vetëm BioNTech edhe për gratë shtatzëna

Rekomandimi i ri thotë gjithashtu se grave shtatzëna duhet t’u injektohet vetëm BioNTech, pavarësisht nga mosha. Përveç imunizimit bazë, rekomandimi vlen edhe për vaksinat përforcuese – d.m.th., personat nën 30 vjeç që janë vaksinuar me Moderna duhet të marrin tani edhe vaksinimin e dytë ose ndoshta tashmë të tretë me BioNTech.

STIKO vuri në dukje se që nga prezantimi i dy vaksinave, dihet se në raste të rralla pas vaksinimit ndodh inflamacioni i muskujve të zemrës dhe/ose perikardiale ndodh tek të rinjtë. Sfondi i rekomandimit tani janë të dhëna të reja sigurie nga Instituti Paul Ehrlich (PEI) dhe të dhëna të tjera ndërkombëtare. PEI është përgjegjëse për monitorimin dhe vlerësimin e efekteve anësore dhe komlikacioneve të vaksinës.

Ndryshime edhe në vende të tjera

Vende të tjera i kanë kufizuar tashmë vaksinimet e Moderna. Në tetor, për shembull, Suedia fillimisht ndaloi vaksinimet me Moderna tek njerëzit nën 30 vjeç deri në dhjetor, duke u mbështetur te BioNTech/Pfizer. Franca po rekomandon gjithashtu vetëm BioNTech për të gjithë njerëzit nën 30 vjeç. Autoriteti shëndetësor Haute Autorité de Santé (HAS) kishte deklaruar të martën se në këtë grupmoshë rreziku i inflamacionit të muskujve të zemrës pas një vaksinimi BioNTech duket të jetë rreth pesë herë më i ulët se me një vaksinim me vaksinën Moderna.

Mbretëria e Bashkuar po shkon edhe më tej, duke ofruar fillimisht vetëm një dozë të BioNTech-ut për të gjithë adoleshentët e moshës 12 deri në 15 vjeç, me një dozë të dytë që do t’i ofrohet kësaj grupmoshe vetëm në pranverë, kur të ketë më shumë të dhëna.

/dw

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0