Gjithçka është ndryshe në vitin 2020. Në vend të një eventi të madh në të cilin Apple prezanton gjithçka, nga Apple Watches, iPhone, te softueri i ri, Apple vendosi ta ndajë eventin në dy pjesë.
Kompania e teknologjisë ka njoftuar se do të zhvillojë eventin e dytë, në të cilën do të bëhet lançimi i produktit të vitit. Gjigandi i teknologjisë ka bërë të ditur se nën titullin “Hi Speed” (Përshëndetje shpejtësi), me datë 13 tetor, do të prezantojë katër iPhone të ridizejnuar me rrjet 5G.
iPhone-t e ri, do të kenë kamera të azhurnuara, procesorë më të shpejtë dhe ekrane në madhësi të ndryshme.
Ngjarja që do të mbahet online nga kompania, do të jetë e dyta për këtë vit. Siç Business Mag ka shkruar më parë, kompania prezantoi iPad Air të ri dhe orat Apple të përditësuara, në shtator.
Lexoni: Gjithçka që Apple zbuloi në eventin e saj në Shtator
Telefonat e rinj që do të prezantohen do të kenë një dizajn komplet ndryshe nga ata që jemi mësuar. Ndryshimi pritet të jetë në formën e telefonit ku pjesa anësore do të jetë katrore, duke zëvendësuar kështu ato të rrumbullakosura. Të katër modelet do të ndahen në dy versione të nivelit fillestar dhe dy variacione Pro.
Apple, po ashtu planifikon të shtojë në modelet më të shtrenjta një skaner Lidar, i cili do të përmirësojë dukshëm fotografinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto