Shumë të rinj do të donin të zotëronin një shtëpi të tyren. Por ndoshta ata nuk kanë një punë e cila ju krijon mundësi të bëjnë një blerje të tillë dhe të zhvendosen nga shtëpia e prindërve, ose ndoshta ata kanë shumë detyrime ndaj shkollës të cilat “i lajnë” duke punuar fort.
Të dhëna të reja tregojnë se një faktor i madh pengues është konkurrenca, ndoshta dhe e padrejtë, me të cilën të rinjtë përballen nga investitorët të cilët hedhin një thes me para dhe marrin shtëpinë që dëshirojnë. Më pas këto shtëpi ata i nxjerrin me qera për të rinjtë me një çmim akoma dhe më të lartë, duke e bërë kështu më të vështirë për ta që të jenë pronarë të një shtëpie me para të kursyera gjatë.
Që nga tetori, një numër i madh i shtëpive – një nga katër – që janë shitur është blerë nga investitorë me para në dorë. Por kjo është ende shumë larg nga kulmi i disa viteve më parë, ku thuajse një në tre shtëpi blihej nga investitorë të ndryshëm. 17% e shtëpive janë blerë nga investitorët në vitin 2000 para se flluska e pasurive të patundshme të rritej dhe të plaste.
Investitorët kanë më shumë gjasa të kapin shtëpi të lira – ato shtëpi që të rinjtë kërkojnë dhe janë në gjendje t’i përballojnë. “Shtëpitë po pakësohen, por kërkesa e investitorit vazhdon të mbetet gjallë”, thotë Lawrence Yun, kryeekonomist i Shoqatës Kombëtare të Sekserëve, për portalin Journal.
Kjo është një metodë e mirë për investitorët, të cilët kanë para për të shpenzuar, por kjo është lajm i keq për njerëzit që duan të blejnë shtëpi me çmim të ulët ose mesatar. Në të gjithë vendin, normat e qirasë kanë kapur qiellin: Një parashikim thotë se qiratë mund të rriten me një mesatare prej 8%, një rritje e papërballueshme kjo për të rinjtë që punojnë dhe jetojnë në këtë treg.
/Time
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
