Ndërsa çështjet e integrimit në BE- vijojnë të jenë temë e nxehtë, mbështetja e industrive vendase drejt këtij hapi ka rënë. Konfindustria, përmes të dhënave të një vëzhgimi krahasimor të 2018-ës ndaj një viti më parë, vë në dukje se ka rënë ritmi i kompanive për të bërë progres me përafrimin e ligjit dhe standardet.
Rënia e mesatarizuar e mbështetjes, sipas kategorive të industrive, është gati 5%. Vëzhgimi është kryer nga Qendra e Studimeve të Konfindustrisë në muajt maj-qershor 2018.
Lexoni: Konfindustria: të rikthehet taksa e sheshtë
Më e ndjeshme ulja është tek industritë, që prodhojnë kryesisht për tregun e brendshëm si industria agroushqimore, pijet alkoolike, joalkoolike, përpunimi i drurit, aluminit, etj.
Përfaqësuesit e industrive, që prodhojnë për eksport, kryesisht lëndë të para dhe/ose pjesërisht të përpunuara si mineralet,etj janë më të qëndrueshëm në politikat e integrimit të Shqipërisë në BE. Një rritje të mbështetjes ka sektori i turizmit dhe shërbimeve të transportit.
Sipas Konfidustrisë, arsyet kryesore të rënies së mbështetjes dhe skepticizmit nga industritë vendore për integrimin në BE vlerësohen: -politikat dumping,- problemet me subvencionet e vendeve të BE-së dhe rreziku i rritjes se konkurencës dhe falimentimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
