Pedagogia e Harvardit: Si t’a doni veten edhe kur ndiheni keq?


Çfarë të bëni kur jeni duke kaluar një ditë të tmerrshme dhe shumë të keqe?

Ju i flisni me inat kolegut tuaj. Karriera e suksesshme e mikut tuaj ju bën të ndiheni xheloz. Ju duket sikur keni dështuar sepse nuk keni realizuar ende qëllimet që i keni vendosur vetes. A ju bën kjo një njeri të keq?

“Absolutisht jo”, thotë psikologia Susan A. David, me doktoraturë në fushën e psikologjisë. Të ndiesh emocione të forta është thjesht pjesë e të qenurit njerëzor. Është mënyra sesi vendosni t’i adresoni emocionet që kanë rëndësi për ju.

David është psikologe në Shkollën Mjekësore të Harvardit dhe folëse e TED. Ajo studion sesi emocionet ndikojnë në formimin tonë. Studimi i saj ka treguar se njerëzit që kanë nivel të lartë dhembshurie për veten, janë më të motivuar dhe më të suksesshëm.

Lexo këtu: Si të ankoheni më pak dhe të ndjeheni më mirë në punë?

Në një postim të fundit për TED Ideas, David jep këshilla praktike sesi mund të jeni më të sjellshëm me veten, sidomos kur jeni në humor të keq.

Mos u përpiqni të largoni apo injoroni emocionet e padëshiruara

David përdor një analogji me kekun. Në frigorifer është një kek i shijshëm me çokollatë. Tani përpiquni t’a injoroni atë. Sa më shumë përpiqeni, aq më pak do të keni sukses. E njëjta gjë vlen edhe për emocionet.

“Kërkimet për shtypjet emocionale tregojnë se kur emocionet lihen mënjanë ose injorohen, bëhen më të forta”, shpjegon David. Injorimi i emocioneve të dhimbshme nuk ju ndihmon të fitoni kontroll mbi to. Përkundrazi, i bën emocionet t’ju kontrollojnë juve.

Pranojeni atë që ndjeni sido që t’a ndjeni. Nuk është as mirë as keq. Thjesht është.

Vëzhgoni emocionet tuaja

David na nxit t’i shikojmë emocionet tona si të dhëna. Përpiquni të kuptoni burimin e inatit, tërbimit apo stresit tuaj. Qasuni me kuriozitet ndaj emocioneve. Pyesni veten: Çfarë po më tregon ky emocion?

Provojeni këtë. Herën tjetër, kur të ndieni një emocion sfidues, thoni me vete: “Po e vë re se po ndiej (plotësojeni)”.

Për shembull, po thoni se jeni të stresuar në punë. Në vend që të thoni “Jam i stresuar”, provojeni të thoni “Po vë re se jam duke u stresuar”. Kjo do t’ju ndihmojë të vëzhgoni dhe të kuptoni pse ky emocion ju bën të ndiheni në këtë mënyrë. Në vend që të gjykoni veten, ju do të kuptoni arsyen e emocioneve tuaja.

Përdorni vëzhgimet tuaja për të gjetur përgjigjet

“Nëse mund të merrni frymë thellë dhe të kuptoni nga se shkaktohen emocionet, e keni bërë gjysmën e rrugës. Kur bëheni kuriozë për eksperiencat tuaja, keni arritur në gjysmën e rrugës për t’u bërë i dhembshur me veten”, thotë David.

Tani mund t’a kuptoni se cila është gjëja që duhet të bëni. Ja pyetja që rekomandon David për t’i bërë vetes: Cili veprim do të më çojë drejt vlerave të mia?

Stresi që ndieni në punë mund të ketë shumë shkaqe. Nëse jeni të aftë të identifikoni burimin e stresit, mund të filloni të mendoni sesi t’a adresoni atë.

Inc

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale