Miliarderët kanë përjetuar rritje rekorde të pasurisë së tyre gjatë pandemisë, teksa shefat ekzekutivë të teknologjive kanë fituar më së shumti.
Personat më të pasur në botë kanë regjistruar rritje prej 27.5 për qind apo 10.2 trilionë dollarë amerikanë, nga prilli deri në korrik të këtij viti, bazuar në një raport të bankës zvicerane, UBS.
Banka zvicerane ka thënë se miliarderët kanë pasur periudhë “jashtëzakonisht të mirë” gjatë krizës me sëmundjes COVID-19, që shkakton koronavirusi.
Ajo po ashtu ka thënë se numri i miliarderëve ka arritur një rekord të ri, 2,189 nga 2,158 sa kanë qenë më 2017.
Sipas Bankës, fituesit më të mëdhenj të këtij viti kanë qenë industrialistët, pasuria e të cilëve është rritur për 44 për qind gjatë pandemisë. UBS ka thënë se për “shkak që koronavirusi ka nxitur kërkesa të reja për mallra dhe shërbime” dhe duke marrë parasysh distancën fizike, bizneset digjitale kanë shkurtuar periudhën e zhvillimit nga disa vjet në disa muaj.
Miliarderët e fushës së kujdesit shëndetësor po ashtu kanë përfituar, meqë kriza ka vënë në pah kompanitë për prodhim të ilaçeve dhe pajisjeve mjekësore.
CEO i Amazon, Jeff Bezos dhe themeluesi i kompanisë Tesla, Elon Musk – të dy multi-miliarderë – kanë regjistruar rekorde të reja të pasurive të tyre, kryesisht për shkak të rritjes së çmimeve të aksioneve të kompanive që drejtojnë. /REL
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
