Turizmi dhe bizneset do të kenë një vit kritik pas tërmetit

Turizmi dhe bizneset do të kenë një vit kritik pas tërmetit


2020-ta do të jetë një vit i vështirë për sipërmarrjen shqiptare, që do të duhet të rikuperojë pasojat e tërmetit të 26 Nëntorit.

Raporti zyrtar i dëmeve vlerëson se humbjet për industrinë arritën në 150 milionë euro, me turizmin dhe prodhimin si dy sektorët e goditur më rëndë.

Përfaqësuesit e biznesit deklarojnë se pasojat vijojnë të ndihen. Te fasonët, kriza e nisur me zhvlerësimin e euros është thelluar, ndërsa turizmi në prag të sezonit deklaron se ka anulime rezervimesh. “Ka dëme shumë të mëdha në biznes. Ka biznese të dëmtuara rëndë, të tjera që kanë ndërruar vend, që ka kostot përkatëse”, shprehet Gjergji Gjika, kryetar i Shoqatës së Fasonistëve të Shqipërisë.

“Kemi reagime jo të mira të sezonit. Ka anulime, ka skepticizëm. Duke afruar sezoni, njerëzit presin se si do të jetë reagimi i tregut”, thotë Kliton Gërxhani, zv/kryetar ATOA. Sipas Kryetarit të Shoqatës së Fasonistëve, emigracioni, mungesa e krahut të punës dhe mungesa e masave mbështetëse nga qeveria e kanë bërë këtë industri jokonkurruese me vendet e rajonit.

Lexo këtu: Pasojat negative të tërmetit, rrezikohet përmbushja e objektivave

“Ne nuk jemi më konkurrues. Shqipëria nuk ofron më asnjë gjë më të madhe, por më të vogël se shtetet fqinje që zhvillojnë këtë biznes”, thotë Gjika.

Ndërsa sipas nënkryetarit të Shoqatës së Tur Operatorëve dhe Agjencive Turistike, më shumë se dëmet fizike, ndikimi negativ më i madh është efekti psikologjik, që kërkon dhënie garancie mbi sigurinë.

“Dëmi më i madh është ai psikologjik. Njerëzit ngurrojnë të vijnë në një zonë të prekur dhe kërkohet një çertifikim institucional nga një kompania e huaj, por ndoshta edhe nga shteti ku të vendoset firma”, thotë Gërxhani. Përfaqësuesit e biznesit shprehen se ky vit do të jetë shumë i vështirë dhe apelojnë që një pjesë e fondeve të siguruara nga Konferenca e Donatorëve të shkojnë për ringjalljen e ekonomisë.

Sipas raportit të dëmeve, 714 biznese u dëmtuan plotësisht ose pjesërisht nga tërmeti, së bashku me 18 struktura akomoduese dhe 42 bar restorante. Rikuperimi i këtyre sipërmarrjeve do të kërkojë në total 51 milionë euro investime. “Viti 2020 do të jetë viti i falimentimeve, të cilat kanë filluar. Kjo do të ndikojë te punësimi”, shprehet Gjergji Gjika.

“Në dy vitet e ardhshme do të ketë rënie të numrit të turistëve vetëm prej tërmetit, pa u futur koronavirusi në mes. Kjo tregon se po ta lexojmë realitetin ashtu siç duhet do të kemi një vit jo të lehtë. Ekonomia ka nevojë edhe për injeksion edhe për projekte të caktuara”, thotë Kliton Gërxhani.

A2CNN

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0