Parlamenti Evropian ka votuar për të miratuar draftin fillestar të një projektligji që synon të frenojë praktikat “e dhunshme” të reklamave të Big Tech. Kuvendi e miratoi projektligjin me 530 vota pro, 78 kundër dhe 80 abstenim.
Akti i Shërbimeve Digjitale, i cili u prezantua për herë të parë në vitin 2020, do të parandalojë platformat, si Google, Amazon dhe Facebook, të përdorin informacione të ndjeshme, si orientimi seksual, raca dhe feja për reklama të targetuara. Do të kërkojë shërbime për t’u dhënë përdoruesve mundësinë për t’u tërhequr lehtësisht nga gjurmimi dhe ushtron presion mbi platformat për të hequr përmbajtjen dhe produktet e paligjshme në internet, duke përfshirë gjuhën e urrejtjes ose mallrat e falsifikuara.
“Me një shumicë të madhe votash, Parlamenti Evropian miratoi Aktin e Shërbimeve Dixhitale”, shkroi në Twitter politikani holandez dhe anëtari i parlamentit Paul Tang. “Një fitore e madhe, me mbështetje nga e majta në të djathtë.”
Lexo edhe: Meta planifikon të heqë reklamat që prekin kategori sensitive
Propozimi i miratuar përfshin gjithashtu dy rregulla për të cilat Parlamenti ra dakord muajin e kaluar: ndalimin e reklamave të targetuara për të miturit dhe një praktikë që disa platforma përdorin për të mashtruar përdoruesit që të pranojnë të ndajnë të dhënat e tyre. Çdo kompani që shkel këto politika mund të përballet me gjoba deri në gjashtë për qind të të ardhurave të saj globale.
Siç vërehet nga Bloomberg, Akti i Shërbimeve Digjitale ka ende më shumë pengesa për të kapërcyer; negociatat me Këshillin Evropian nisin më 31 janar. Demokratët amerikanë prezantuan një projekt-ligj të ngjashëm javën e kaluar, i cili gjithashtu do të ndalonte reklamat e targetuara nëse miratohej.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
