Parlamenti Europian aprovon ligje më të ashpra të privatësisë online


Parlamenti Europian votoi për rregulla më të ashpra në mbrojtje të të dhënave personale të qytetarëve Europianё javën që lamë pas. Këto rregulla kanë për qëllim forcimin e privatësisë për qytetarët njëherazi duke u dhënë më shumë pushtet autoriteteve në kurriz të kompanive që thyejnë rregullat.

Rregullat e reja kanë që katër vite që kanë qenë në përpilim duke premtuar gjoba të rënda ndaj kompanive deri në 4 % të të ardhurave globale për rastet kur ka shkelje të privatësisë. Parlamentarja Europiane dhe ish-zëvendës presidente e Komisionit Europian, Vivian Reding, e cila propozoi këto ndryshime në 2012-tën u shpreh: “Kjo është një ditë historike për Europën. Kjo reformë do të rikthejë besimin në shërbimet dixhitale, kështu duke rindezur motorët e rritjes për të nesërmen.”

“Nuk mund të ketë liri pa siguri, dhe as siguri pa liri. Adaptimi i këtyre tre ligjeve dërgon një sinjal të fortë se siguria kombëtare dhe mbrojtja e të dhënave nuk duhet të kalojnë nga dora më dorë.” Por a përfaqësojnë këto ligje një epokë e re për të dhënat e qytetarëve Europianë?

Ekspertët janë të mendimit se ‘Po’. Europa është ajo e cila ka krijuar nocionet e “të drejtës për t’u harruar” dhe “portabilitetit të të dhënave” si dhe ka krijuar sanksione për shkelje të privatësisë. Asnjë vend apo union tjetër nuk e ka bërë këtë më parë. Tashmë hapi dhe sfida e radhës për Europën është forcimi i ligjeve të privatësisë.

 

/PCWorld Albanian

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale