Apple po paralajmëron zotëruesit e iPhone dhe iPad më të vjetër se nëse nuk bëjnë update të pajisjeve të tyre me programin më të fundit iOS brenda të dielës, nuk do të mund të lidhen me internet.
Produktet iPhone dhe iPad nga 2012 dhe më herët kanë nevojë për update para mesnatës së 3 Nëntorit, në mënyrë që të ruajnë vendndodhjen e saktë GPS dhe të vazhdojnë të përdorin App Store, iCloud, email dhe shfletim në internet, sipas Apple.
Kjo vjen nga ndërrimi i kohës GPS, sipas Apple, diçka që ndodh për çdo 19 vjet, kur pajisjet GPS duhet të rivendosen në mënyrë që të matin me saktësi kohën dhe datat, sipas Zyrës së Energjisë Elektrike në Departamentin e Energjisë.
Pra, nëse keni një iPhone 5, 4, ose një iPad 2 ose një iPad të gjeneratës së tretë, kjo vlen pikërisht për ju.
Nëse nuk jeni të sigurt se çfarë versioni është iPhone apo iPad i juaj, ndiqni këto udhëzimë:
- Hap Settings app
2. Shtyp General, pastaj shtyp About
3. Shikoni numrin afër Software Version
Nëse nuk jeni në gjendje të përditësoni njësinë tuaj deri para të djelës, Apple thotë se ju duhet të bëni back up dhe restore duke përdorur kompjuter.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
