Pandemia: Fitime miliardëshe për koncernet e teknologjisë së informacionit - Business Magazine Albania

Pandemia: Fitime miliardëshe për koncernet e teknologjisë së informacionit

Amazon, Apple, Google dhe Facebook përfitojnë prej komportimit të përdoruesve dhe klientëve të reklamës në kohën e pandemisë Corona. 38 miliardë Dollarë (32,5 miliardë Euro) kanë fituar të katër gjigandët e teknologjisë së informacionit në tremujorin e kaluar. Amazon e ka rritur xhiron e tremujorit krahasuar me një vit më parë me 37 përqind duke pasur një xhiro prej 82,3 miliardë Eurosh. “Ne shohim të kemi më shumë klientë se më parë, që blejnë në internet”, deklaroi shefi i Amazon Jeff Bezos. Facebook përfiton në biznesin e reklamës, pasi gjithnjë e më shumë firma të vogla kalojnë tani tek shitjet online, për të rikuperuar humbjet prej krizës. Tek Googel po ecën ndër të tjera biznesi me platformën e videove YouTube, ndërkohë që njerëzit po qëndrojnë më shumë në shtëpi. Ndërsa në kohët homeoffice dhe mësimit online Apple po fuqizohet në biznesin me kompjuterat Mac dhe iPads.

Ekonomia gjermane – Rikuperimi më 2023

Ekonomia gjermane nga ashpërsimi i krizës Corona, sipas vlerësimit të studiuesve të sipërmarrjes Prognos mund të pësojë humbje për disa vite. “Zhvillimet aktuale të pandemisë japin shkas për shqetësim, që pasojat akute dhe ato afatgjata do të jenë më të rënda nga sa parashikohej muajt e kaluar”, thuhet në një parashikim të krizës nga Sipërmarrja e Berlinit për Studime Ekonomike dhe Konsulencën. “Shuma e këtyre pasojave është sa tre deri në katër vjet rritje ekonomike”, konstaton kryeekonomisti i Prognos, Michael Böhmer. Sa më shpejt të arrihet ulja e kurbës së infeksioneve, aq më të vogla do të jenë pasojat për ekonominë.

Për vitin 2020 sipas këtij skenari humbja e produktit bruto në vend mund të jetë rreth 8,1 përqind. Rritja ekonomike në vitin 2021 mund të jetë rreth 2,5 përqind më pak nga sa shpresohej deri tani. Niveli i ekonomisë përpara krizës do të mund të arrihet sërish ndoshta në vitin 2023, vlerësojnë ekonomistët.

LEXO: Si pandemia i ktheu financat si një film shkencor dhe horror

‘’Kultura korrektivi i domosdoshëm për një demokraci”

Aktualisht në Gjermani ka rritje të numrit të të infektuarve, sipas Institut Robert Koch (RKI) të premten (30.10) për herë të parë brenda një ditë u regjistruan mbi 18.000 infeksione të reja. Në përpjekje për të kufizuar numrin e infeksioneve dhe rrezikun e përhapjes së virusit në Gjermnai janë marrë masa kufizuese. Duke nisur nga e hëna (2.11) jeta publike do të ketë mjaft kufizime.

Pezullimi i aktiviteteve në fushën e kulturës është gjithashtu një masë, që e godet rëndë këtë sektor. Ministrja e shtetit për Kulturën Monika Grütters druan pasoja të rënda për sektorin e artit dhe kulturës: „Sado që kam mirëkuptim për rregullat e reja që janë të domosdoshme: Për kulturën mbyllja është një katastrofë e vërtetë”, tha politikania kristiandemokrate. Kultura nuk është një delikatesë për elita, por ajo është buka për të gjithë”, theksoi ministrja duke shtuar, se „Kultura është korrektivi i domosdoshëm për një demokraci të jetuar. Pikërisht kjo është ajo që e bën kulturën relevante për sistemin.”

DW

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0