Operatori celular në Kosovë IPKO nuk do të shitet

Kompania e dytë më madhe e telefonisë mobile në Kosovë IPKO, i kishte nxjerrë në shitje të gjitha aksionet e saj. Për të blerë IPKO-n interes tregoi edhe kompania telefonike serbe “Telekom Srbija”, e cila ofroi 155 milionë euro. Mirëpo, shitja e IPKO-së duket se nuk të ndodhë fare. Është anuluar shitja e kompanisë së telekomunikacionit IPKO. Këtë e ka bërë të ditur Telekomi i Sllovenisë.

Siç është njoftuar, procedura është përmbyllur pa zgjedhjen e një blerësi dhe IPKO do të mbetet pjesë e Grupit të këtij Telekomi. “Në përputhje me dispozitat e Rregullave të Bursës së Lubjanës dhe legjislacionit të vlefshëm, Telekom Slovenije, dd, Cigaletova 15, Ljubljana, njofton publikun se që nga sot ajo ka ndaluar procedurën e shitjes së 100% të aksioneve të saj në Kosovë me bazë IPKO Telecommunications LLC. Procedura u përmbyll pa zgjedhjen e një blerësi, dhe IPKO Telecommunications LLC do të mbetet pjesë e Grupit Telekom Slovenije”, thuhet në njoftim.

Telekom Slovenije e ka nxjerrë në shitje IPKO-n në mesin e korrikut të vitit të kaluar. Ai këshillohet nga “Erste Group”, me bazë në Austri, në procesin e shitjes së aksioneve, si pjesë e strategjisë së përgjithshme të operatorit për t’u larguar nga tregu i Kosovës deri në 2023. Në vitin 2005 Telekomi i Sllovenisë e kishte përzgjedhur Kosovën për të investuar në tregun e telekomunikimeve, duke blerë aksione në kompanitë lidere të ofrimit të shërbimeve të internetit, IPKO, ku ndër aksionarët e shumtë ishte edhe ish- sekretarja e SHBA-së, Madeleine Albright.

Mirëpo në vitin 2018 Telekomi i Sllovenisë bleu të gjitha aksionet. Sot, IPKO, ka shumicën e tregut në Kosovë. Kjo kompani ofron shërbime të telefonisë mobile, shërbime të internetit dhe sistemit kabllor. Telekomi i Sllovenisë vitin e kaluar ka vënë në shitje 100 për qind të aksioneve të saj dhe ende është në shqyrtim të ofertave që kanë bërë kompani të ndryshme. “Në përputhje me strategjinë e Telekomit të Sllovenisë, që përfshin edhe mundësinë e konsolidimit të mëtutjeshëm përmes zgjerimit dhe disinvestimit, Telekom Slovenia ka filluar aktivitetet për të shitur 100% të aksioneve të saj në IPKO Telecommunications LLc”, thuhet në njoftimin e Telekomit të Sllovenisë. Në Kosovë ishte raportuar për ofertën e lartë për blerjen e aksioneve të IPKO-s që ka dhënë operatori serb, Telekom Srbija, duke ofruar 155 milionë euro. Një pazar i tillë ishte konsideruar me rrezik për sigurinë kombëtare të Kosovës, si nga politikanë, njohës të ekonomisë e kibernetikës.

MONITOR

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale