OBSH: Qëndroni të shëndetshëm në shtëpi

OBSH: Qëndroni të shëndetshëm në shtëpi


Organizata Botërore e Shëndetësisë në këtë kohë pandemie ka këshilluar vazhdimisht njerëzit që janë në vetëkarantinim, personat e prekur nga Covid-19, të moshuarit, gratë shtatzana, fëmijët.

Lexo: Europa merr frymë nga ajri i pastër, në këtë kohë pandemie

Në disa postime në Facebook, OBSH na udhëzon sesi të qëndrojmë të shëndetshëm në shtëpi:

  • Ushtrimet e aktivitetit fizik, që mund t’i gjeni në internet janë një mënyrë e shkëlqyer për të qëndruar aktiv, ndërsa jeni në karantinë.
  • Gjeni kohën për t’u relaksuar, duke marrë në konsideratë meditimin, frymëmarrjen e thellë dhe teknikat e tjera të relaksimit për të reduktuar stresin.
  • Nëse jeni duke punuar nga shtëpia, përpiquni të bëni pushime dhe të lëvizni çdo 30 minuta. Gjatë kësaj kohe ju mund të: ngjisni dhe zbrisni shkallët, kryeni disa ushtrime të tipit stretching, kërceni me muzikë për disa minuta, kontrolloni burimet online për t’u njohur me ide të reja.
  • Kujdesuni që të përshtatni tavolinën tuaj të punës, duke përdorur një tavolinë të lartë ose duke vendosur librat një mbi një. Ju mund ta ndërprisni qëndrimin ulur dhe të ngriheni në këmbë teksa punoni në kompjuter ose telefon, apo teksa shikoni edhe televizor.
  • Është e rëndësishme të qëndroni të hidratuar! Shmangni pirjen me tepri të: kafes së fortë, çajit të fortë, pijeve me sheqer dhe pijeve energjike.
  • Shmangni duhanpirjen, pasi ju dëmton mushkëritë dhe ju bënë më të cënueshëm ndaj Covid-19.
  • Pirja e alkolit nuk ju mbron nga Covid-19. Konsumi i shpeshtë apo me tepri mund të rrisë rrezikun për probleme shëndetësore.

Lexo: Foto të qyteteve të shkretuara në tërë globin si pasojë e Covid-19

Këto udhëzime u drejtohen njerëzve të cilët janë vetëkarantinuar, janë pa simptoma apo diagnozë të sëmundjeve akute respiratore dhe nuk duhet të zëvëndësojnë këshillat mjekësore në rast të ndonjë komplikacioni shëndetësor.

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0