Nuk reagoi ndaj Trump, punonjësit e Facebook sulmojnë Zuckerberg

Punonjësit e Facebook, kanë braktisur punën të hënën, duke e lavdëruar në të njëjtën kohë “Twitterin” për reagimin ndaj postimeve të presidentit amerikan. Kjo protestë gjatë pandemisë i ngjante asaj të kompanisë Google në vitin 2018, kur punonjësit lanë vendet e punës si protestë ndaj ngacmimeve seksuale, raporton Reuters.

Është një rast i rrallë i përballjes së një CEO me kritikat e punonjësve në nivel të lartë të hierarkisë, Midis protestuesve ishin shtatë inxhinierët e ekipit që kontrollojnë ‘’bibliotekën’’ e kodit React, që mbështet aplikacionet e Facebook. “Mark Zuckerbergu e ka gabim dhe do loboj fuqishëm deri sa të ndërrojë mendje”, ka shkruar Ryan Freitas, i identifikuar në Twitter si drejtor i dizajnit të produktit në “Facebook”. Ai gjithashtu shtoi se kishte mobilizuar më shumë se 50 njerëz për të lobuar për ndryshime brenda kompanisë.

Sara Zhang, dizajnere e produkteve sipas profilit të saj në Linkedln, shkroi se do të marrë pjesë në protestën virtuale “në solidaritet me komunitetin afro-amerikan”. “Vendimi i Facebookut që të mos veprojë mbi postimet të cilat nxisin dhunë, nuk e bën vendin tonë më të sigurt. Politikat e kompanisë na bëjnë që të veprojmë ndaj këtyre përmbajtjeve të dëmshme në dy mënyra: T’i lejojmë apo t’i heqim”, ka thënë ajo. Jason Toff, drejtor i menaxhimit të produkteve, ka shkruar: “Punoj në Facebook dhe nuk krenohem me mënyrën se si po sillemi. Shumica e kolegëve më të cilët punoj mendojnë si unë. Jemi duke e ngritur zërin tonë”, ka shkruar ai.

Punonjësit e teknologjisë në kompani si “Facebook Inc”, “Google” dhe “Amaznon”, në mënyrë aktive kanë kërkuar drejtësi në çështjet sociale gjatë viteve të fundit, duke i nxitur punëdhënësit e tyre që të veprojnë dhe të ndërrojnë politikat. “E kuptojmë dhimbjen të cilën shumë nga njerëzit tanë janë duke ndjerë tani, veçanërisht komuniteti ynë afro-amerikan. I inkurajojmë punonjësit tanë që të flasin hapur kur nuk pajtohen me drejtuesit. Jemi duke u përballur me vendime të vështira rreth përmbajtjes në faqet tona, dhe mendimet e tyre të sinqerta do të na ndihmojnë”, shkroi zëdhënësi i Facebookut, Andy Stone.

Twitteri të premten vendosi një shenjë paralajmëruese mbi postimin e Trumpit që përfshinte fjalinë “kur plaçkitja fillon, nisin plumbat”. Kjo platformë sociale tha se postimi i Trump po shkelte rregullat kundër glorifikimit të dhunës. Facebooku ndërkaq nuk ka ndërmarrë veprime ndaj po të njëjtit postim. Zuckerbergu ka thënë të premten se këto komente i konsideronte “shumë shqetësuese”, por se nuk i shkelnin politikat e kompanisë kundër nxitjes së dhunës.

REUTERS

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale