Nuk jeni një sipërmarrës nëse bëni këto 10 gjëra!


Nëse flasim për lojë futbolli, fushatë zgjedhore ose një rrugëtim sipërmarrjeje, një gjë është e sigurtë: do të ketë fituesë dhe humbës.

A i doni rrethanat në favorin tuaj për të qenë një sipërmarrës i suksesshëm? Ju mund të filloni duke mbajtur shënim 10 gjërat që nuk duhet t’i bëni kurrë.

1. Të jeni xhelozë ose lakmitarë

Të shikoni njerëz të tjerë rreth jush që kanë sukses duhet t’ju motivojë ju, edhe nëse janë konkurrentët tuaj. Ju duhet të kuptoni se çdo person ka aftësinë të bëhet i suksesshëm, dhe të humbisni kohë duke u fokusuar në suksesin ose arritjet e të tjerëve vetëm sa do të devijojë shinat e progresit tuaj.

2. Të shikoni pas

Do të përballeni me kohë të vështira, vendime të vështira dhe madje edhe dështim në njëfarë pike. Mos lejoni goditjet e vogla në rrugë të ndalojnë progresin tuaj. Gjeni mënyra për të manovruar pengesat dhe të vazhdoni të ecni përpara, duke mos kthyer sytë nga pas.

3. Të gjeni justifikime 

Nëse merrni një vendim të keq dhe e dreqosni, merrni përgjegjësi për të. Nëse diçka nuk shkon ashtu siç ishte planifikuar, mos kërkoni justifikime. Kërkoni për shkakun e problemit dhe shkruajeni në mësimet e vlefshme të biznesit. Nëse identifikoni dhe zotëroni problemin nuk do të bëni të njëjtat gabime sërish. Nëse nxirrni justifikime në mënyrë konstante për gabimet tuaja, ju do të vazhdoni t’i bëni ato sepse nuk keni identifikuar në mënyrën e duhur rrënjët e problemit.

4. Të reshtni së mësuari
Mosha juaj, vitet e eksperiencës ose niveli i suksesit nuk duhet t’ju privojnë kurrë nga të mësuarit. Nuk ka asnjë person të vetëm në këtë planet që t’i dijë të gjitha. Ne të gjithë mund të vazhdojmë të mësojmë dhe të frymëzohemi nga sipërmarrësit e tjerë, pak rëndësi ka nëse janë miliarderë ose sapo kanë nisur rrugëtimin e tyre sipërmarrës.

5. Të shoqëroheni me njerëz negativë

Njerëzit të cilët gjejnë vazhdimisht justifikime, ankohen dhe kanë një këndvështrim negativ të gjërave duhen shmangur sikurse të jenë një shqetësim. Të gjithë njohim njerëz të tillë. Nuk ka rëndësi se çfarë thoni ju apo si është situata, ata gjithmonë tingëllojnë me negativitet. Njerëz të tillë janë si kanceri, dhe atmosfera e tyre negative ju prek edhe ju. Rethojeni veten me individë që mendojnë në mënyrë të ngjashme me ju dhe që janë të fokusuar dhe të vendosur si ju.

6. Të zgjoheni pa një plan 

Menaxhimi i kohës është një pjesë thelbësore e të qënit sipërmarrës. Ka kaq pak orë në ditë, kështuqë për të qenë efiçientë ju duhet të dini qëllimet tuaja dhe cilat detyra duhet të bëni para se të nisni ditën tuaj. Nëse jeni në konflikt për të krijuar një plan për “sulm” çdo ditë do të gjendeni në telashe. Përfundojeni çdo ditë duke përcaktuar listën e gjërave për të bërë të ditës së ardhshme.

7. Të keni frikë të bëni ndryshime dhe të përshtateni

Ju duhet të jeni të vullnetshëm dhe të aftë të përshtasni planin tuaj dhe strategjinë e përgjithshme, sepse ka shumë mundësi që do t’ju duhet të përshtateni për të mbajtur sukskesin në të ardhmen. Imagjinoni sikur Apple të mos ishte përshtatur kurrë dhe të mbetej vetëm te prodhimi i komojuterave? Pas prezantimit të iPod-it, kompania filloi të prodhonte smartphone-s, tableta dhe tani po lançon teknologjinë e parë për veshje, Apple Watch. Një herë e një kohë vetëm një kompani kompjuterash, tani është një shtëpi e madhe e fuqishme e pajisjeve elektronike.

8. Të flisni më shumë se sa të veproni

Sipërmarrësit e suksesshëm nuk rehatohen dhe të flasin për ato që do të bëjnë. Ata planifikojnë, ndjekin dhe zbatojnë. Asgjë nuk mund të arrihet vetëm duke folur për të, dhe askush nuk do të impresionohet vetëm nga fjlaët.

9. Të fokusoheni vetëm në shenjën e dollarëve dhe në presjet dhjetore

Në vend që të ndiqni paratë, fokusohuni në krijimin e produkteve dhe të shërbimeve që bëjnë diferencën dhe sjellin vlerë. Nëse bëni këtë, paratë do të vijnë. Fokusimi në realizimin e shërbimeve të shkëlqyera shtron rrugën për paratë.

10. Të lini dështimin t’ju ndalojë

Nga pjesa më e madhe e statistikave thuhet se 8 nga çdo 10 biznese dështojnë. Sipërmarrësit e suksesshëm marrin përsipër çdo gjë duke ditur se ka edhe një shans falimentimi. Dhe në fakt, nëse ata dështojnë kjo shikohet si pjesë e rritjes së tyre.

James Dyson shihet si një shembull perfekt, pasi 5,126 prototipet e tij të parë ishin një dështim, por i 5,127-i funksionoi dhe u bë fshesa me korrent më e shitur në SHBA. Ai tani ka një pasuri neto prej 4.5 miliardë dollarësh sepse nuk e la qoftë edhe një herë dështimin ta ndalonte.

 

/Shkruar nga Jonathan Long, Publikuar nga Entrepreneur.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale