Mentorimi është një faktor i rëndësishëm suksesi në biznes, veçanërisht për startup-et në faza të hershme dhe për bizneset mikro dhe të vogla. YSB Balkans, në kuadër të programit Growpreneur, do të ndajë disa çmime, të cilat synojnë të promovojnë mentorët e shquar. Flitet për mentorët që kanë demonstruar një angazhim të vazhdueshëm për të mentoruar startup-et dhe bizneset mikro dhe të vogla në Shqipëri gjatë vitit 2021, si modele në ekosistemin shqiptar të sipërmarrjes.
Në qëllimin e këtij çmimi, mentorimi përkufizohet si procesi i ofrimit të udhëzimeve, këshillave pragmatike, mbështetjes dhe inkurajimit të vazhdueshëm për sipërmarrësit, për t’i ndihmuar ata të menaxhojnë proceset e tyre të të mësuarit dhe zhvillimit, në mënyrë që të zhvillojnë aftësitë e të maksimizojnë potencialin e tyre, të përmirësojnë aftësitë në lidership dhe performancën në biznes, duke u bërë sipërmarrësit që duan të jenë.
Nominoni mentorin tuaj të preferuar këtu!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
