Kompania finlandeze e shiti biznesin e saj të pajisjeve tek Microsoft në vitin 2014, ku telefonët shiteshin nën markën Lumia. Por ndërkohë që Microsoft në mënyrë efektive po del nga biznesi i smartphone-ve, Nokia ka vendosur që të kthehet.
Gjenerata e re e pajisjeve pritet që të debutojë në tre mujorshin e dytë të 2017 dhe me shumë gjasa do të jetë në “Mobile World Congress” në Shkurt të 2017.
Nokia po bashkëpunon me një kompani finlandeze të quajtur HMD, e cila do të marrë përgjegjësi për të prodhuar telefonët e ardhshëm.
Dy kompanitë firmosën një marrëveshje në Maj që i dha HMD të drejta ekskluzive mbi markën Nokia.
Kompania e re e formuar do të shpenzojë 500 milionë € në marketingun e telefonëve në tre vitet e ardhshme. Gjithashtu është arritur një marrëveshje me Nokian për të prodhuar hardware-ët për 10 vitet e ardhshme.
Deri më tani nuk ka ndonjë detaj mbi vetë telefonin dhe funksionalitetet që do të ketë, por pajisjet e reja të Nokia-s pritet të kenë sistemin operativ të Google, Android.
Burimi: telegraph.co.uk
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
