Një portal i ri do t’iu shërbejë studentëve të Shqipërisë

Një portal i ri do t’iu shërbejë studentëve të Shqipërisë


Portalistudentor.al është projekti më i ri për të cilin po punon Gevio Tabaku. Kur ishte maturant shpesh haste vështirësi për të gjetur informacione apo materiale të organizuara online që mund ta ndihmonin në provimet e maturës. Mungesa e një burimi të sigurt për ta bërë më të thjesht rrugëtimin e tij drejt universitetit, e nxiti që t’i futet punës e ta krijojë vet zgjidhjen e këtij problemi.

“Nuk isha i familjarizuar me provimet e maturës dhe me llojin e pyetjeve që do të më binin në provim,” thotë Gejvo për Business Mag. “Kjo më shtyu të mendoja rreth një portali i cili do të ndihmojë maturantët, por jo vetëm, për çdo paqartësi të tyren”.

Portali Studentor është i organizuar si një komunitet online, ku ti mund të angazhohesh me pjesëtarët e tjerë të komunitetit. Ti mund të bësh pyetje dhe të marrësh përgjigje, ose mund t’u përgjigjesh pyetjeve që anëtarët e tjerë kanë bërë.

Portali gjithashtu shërben si një hapësirë online ku falë materialeve të ndryshme, kurseve dhe ushtrimeve që gjenden aty, mund të mësosh më mirë. Gjithashtu, për maturantët janë siguruar teste përgatitore për provimet e maturës.

Gevio thotë se portali është i fokusuar dhe te studentët e rretheve.

“Nëse je nxënës që jeton në rrethe dhe vjen për të nisur universitetin në Tiranë, e ke të vështirë të ambientohesh në fillim kështu që medoemos ke nevojë të pyesësh rreth çdo gjëje”.

Nëse ata janë duke kërkuar një shtëpi me qera në Tiranë për t’u akomoduar për nisjen e studimeve, Portali Studentor iu vjen në ndihmë duke listuar ofertat e fundit të shtëpive me qera.

Që prej muajit Mars të vitit 2019, portali është i aksesueshëm për të gjithë, mjafton të regjistroheni duke krijuar llogarinë tuaj dhe më pas do të njiheni me të gjitha kategoritë dhe shërbimet e ofruara. Megjithatë ende ka punë për t’u bërë për ta pasuruar me përmbajtje, kurse online dhe për t’i bërë të gjithë studentët e vendit tonë përdorues të tij.

Për këtë arsye, Gevio Tabaku ka garuar në kompeticionin SuperGeneretion nga Albtelecom, ku u shpall dhe fitues i çmimit me vlerë 1000 euro.

“Me mbështetjen që morëm nga Agna Group dhe ALBtelecom, do punojmë për ta ndryshuar të gjithë strukturën online,” shton Gevio, “Në vazhdim do të fillojë dhe prezantimi i portalit në shkolla të mesme dhe universitete në mënyrë që nxënësit dhe studentët të njihen me të”.

Një shprehje e vjetër thotë “Gjithkush dhe çdo gjë rreth jush është mësuesi juaj” , dhe Portali Studentor mësuesi më i ri për të gjithë të rinjtë shqiptarë të epokës dixhitale. 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0