Një e treta e porosive të Starbucks në Kinë bëhen përmes WeChat - Business Magazine Albania

Një e treta e porosive të Starbucks në Kinë bëhen përmes WeChat


Që kur Starbucks njoftoi një partneritet me gjigandin kinez Tencent, zinxhiri i kafesë është rritur 7% në tremujorin e fundit, e nxitur nga një rritje prej 6% të transaksioneve përmes pagesave me “WeChat pay“. Shifrat u zbuluan nga CEO i Starbucks në Kinë, Belinda Wong.

“WeChat Pay ka rritur përvojën pozitive të Starbucks për klientët dhe partnerët nëpërmjet lehtësimit dhe shpejtësisë së shpejtë të transaksionit”, tha Wong.

Përveç kësaj, prodhuesi i kafesë pa një rritje në të gjitha kategoritë, vazhdoi Wong, duke shtuar se “investimet që po bëhen për markën po tërheqin klientë të rinj në dyqanet tona dhe sjellin më shpesh klientë ekzistues”.

Në shkurt, duke iu përgjigjur kërkesës në rritje për WeChat Pay, Starbucks paraqiti një funksionalitet të quajtur kafe-gifting nëpërmjet WeChat. Dhurimi është tashmë mjaft i njohur në Kinë, veçanërisht gjatë Vitit të Ri Kinez, ku mbi 14 miliardë zarfë të kuq u ndanë në WeChat.

“Vetëm në shtatë javët e para pas lançimit, më shumë se 1.2 milionë dhurata u dërguan dhe mbi gjysma janë paguar nga marrësit në dyqanet tona”, u tha Wong analistëve.

Say it With Starbucks” jo vetëm që është një platformë dhurimi, por është një mundësi për të ndërtuar më tej lidhje të reja dhe autentike me konsumatorët.

“Ne jemi vetëm në fazat e hershme të dhurimit social në Kinë dhe mundësia e rritjes është e madhe,” vazhdoi ajo.

Duke parë përpara, Starbucks synon të krijojë mundësi të reja të përdorimit në vend, me nxjerrjen e pijeve të gatshme të tilla si Frappucino.

Është vënë re se duke përdorur mjetet e duhura për marketingun, platforma ishte në gjendje që të tërhiqte përdoruesit në sistemin e saj të pagesave, duke lidhur kështu llogaritë e tyre bankare në aplikacion.

Në dhjetor të vitit të kaluar, WeChat zbuloi në raportin e saj të të dhënave, se kishte 768 milionë përdorues të regjistruar çdo ditë, duke përfaqësuar një rritje prej 35% në vit.

burimi: warc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0