Një Dhomë Ekonomike SHQIPËRI – KOSOVË. Përfaqësitë e dy vendeve e duan - Business Magazine Albania

Një Dhomë Ekonomike SHQIPËRI – KOSOVË. Përfaqësitë e dy vendeve e duan


Bashkimi i Dhomave të Tregtisë dhe Industrisë së Shqipërisë dhe Oda Ekonomike e Kosovës, kanë shpehur vullnetin e tyre për të krijuar “Dhomën Ekonomike Bilaterale Shqipëri-Kosovë”.

Sipas drejtuesve të Bashkimit të Dhomave të Tregtisë, kjo Dhomë sznon të arrijë disa objetikava:

  1. Të përfaqësojë zërin dhe të mbrojë interesat e anëtarëve, të cilët janë kryesisht biznese që ushtrojnë aktivitete tregtare dhe investime midis Shqipërisë dhe Kosovës. Të favorizojë solidaritetin midis sipërmarrjeve, në kontekstin e ekonomisë së tregut;
  2. Të jetë partner social në kuptimin e gjithë legjislacionit të punës dhe çështjeve sociale, legjislacionit ekonomik e financiar, që prek interesat e komunitetit të biznesit;
  3. Në bashkëpunim me Qeverinë e Shqipërisë dhe të Kosovës, synon të ofrojë sugjerime dhe propozime për çështje ekonomike aktuale, si dhe ofrimin e sugjerimeve të masave që do të nxisin rritjen e tregtisë dhe investimeve të ndërsjella në të dy vendet;
  4. Të mbrojë interesat e sipërmarrjeve, kundrejt Administratave Shtetërore dhe institucioneve të tjera publike e private, duke i përfaqësuar në të gjitha organet shtetërore, publike dhe qeveritare, vendimmarrëse ose konsultative, aktuale ose që do të krijohen në të ardhmen, në përputhje me legjislacionin në fuqi dhe brenda normave të statutit, si në Shqipëri dhe në Kosovë.
  5. Të nxisë iniciativat ligjore për përmirësimin e legjislacionit në fushën e ekonomisë, të financave, të punës, tatim-taksave, si dhe në fushat e rëndësishme e që nuk lidhen drejtpërsëdrejti me veprimtarinë e anëtarëve të saj.
  6. Të bashkëpunojë me organizata homologe në nivel lokal, kombëtar dhe ndërkombëtar, për arritjen e qëllimeve të saj.
  7. Të promovojë prodhimet Made in Albania dhe Made in Kosova brenda Shqipërisë dhe Kosovës, si dhe në trevat mbarëshqiptare.
  8. Të organizojë në mënyrë direkte ose indirekte, kërkime e studime, debate e konferenca, anketime e veprimtari promovuese, panaire, etj, në shërbim të anëtarëve, për të promovuar bashkëpunimin tregtar midis Shqipërisë dhe Kosovës dhe promovimin ndërkombëtar të ekonomive të këtyre vendeve.
  9. Të krijojë një forum dhe platformë në mbështetje të sipërmarrjes, ku anëtarët do të diskutojnë pikëpamjet ekonomike dhe çështjet me interes të përbashkët për lehtësimin e problematikave të sipërmarrjes të dy vendeve.
  10. Të krijojë një mekanizëm të ndërmjetësimit dhe arbitrazhit që do të ndihmojë në zgjidhjen e konflikteve të mundshme mes kompanive nga Shqipëria dhe Kosova.

Objektivat do të përmbushen nga “Dhoma Ekonomike Bilaterale Shqipëri-Kosovë”, përmes një strukture drejtuese funksionale, të udhëhequr nga Kryetari dhe Këshilli Ekzekutiv, i cili përbëhet nga anëtarë të zgjedhur nga sektorët me të rëndësishëm të ekonomisë në të dyja vendet.

  • “Dhoma Ekonomike Bilaterale Shqipëri-Kosovë” do të kryesohet me rotacion, ku një vit do të udhëhiqet nga Bashkimi i Dhomave të Tregtisë dhe Industrisë së Shqipërisë, ndërsa një vit nga Oda Ekonomike e Kosovës
  • “Dhoma Ekonomike Bilaterale Shqipëri-Kosovë” do të ketë seli në Tiranë dhe Prishtinë.

 

 

 

 

 

 

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0