Nisin pushimet nga puna. 70% e kompanive do të shkurtojnë vende pune sipas Bashkimit të Prodhuesve - Business Magazine Albania

Nisin pushimet nga puna. 70% e kompanive do të shkurtojnë vende pune sipas Bashkimit të Prodhuesve


Ka kaluar më pak se një muaj nga mbërritja e epidemisë në Shqipëri dhe izolimi  ka nisur të nxjerrë pa punë shumë punonjës. Turizmi është sektori i parë që paralajmëroi shkurtime masive, por shumë sektorë në shërbim e prodhime pritet të vënë gërshërën në ekipet e tyre.

Bashkimi i Prodhuesve Shqiptarë ka zhvilluar një sondazh mes 90 kompanive anëtare të saj. Flasim kryesisht për sipërmarrje të mëdha që futen tek bizneset VIP. Sipas kësaj ankete, pjesa më e madhe kanë pohuar se mund të rezistojnë edhe një muaj dhe pas kësaj do të detyrohen të marrin masa. Shumë prej tyre paralajmërojnë mbyllje të plotë të aktivitetit.

Prodhuesit po raportojnë vështirësi në furnizimin me lëndë të para. Ndërsa kompanitë e shërbimit po përballen me ndërprerje kontratash shërbimi.

Pak ditë më parë, Vasil Bedinaj, kreu i Operatorëve Turistikë për Jugun, ka thënë se, “gjatë marsit nuk pati pushime nga puna, por në muajin prill, qeveria do të përballet me një shifër të lartë të personave të dalë nga sigurimet shoqërore. Nga data 1 prill, strukturat shtetërore duhet të mbajnë përgjegjësi për të gjithë punonjësit tanë”.
Turizmi është mes sektorëve që nuk ka një mbështetje konkrete të parashikuar.

Lexo: Koha që sipërmarrjet të mbështesin njëra-tjetrën. Ja disa pika që duhet të kenë parasysh nga kompania kosovare

Operatorët turistikë raportojnë anulime të prenotimeve, ndërsa kompanitë prodhuese paralajmërojnë se shkurtimi i vendeve të punës lidhet me ndalimin e plotë ose uljen e volumit të punës, dhe rrjedhimisht edhe uljen e eksporteve.

Nga anketa, mbi 60% e firmave raportuan përgjysmim të shitjeve në mars, ndërsa 5% e tyre nuk patën fare shitje. Kjo e fundit pritet të shkojë në 21% gjatë prillit. Pra 4 herë më shumë kompani parashikojnë të kenë zero shitje këtë muaj.

Kjo ulje drastike e prodhimit dhe shitjeve, do të detyrojë 70% të kompanive të shkurtojnë ekipet e tyre të punës. Sipas anketës, 70% e kompanive po planifikojnë të pushojnë punonjës nga puna.

Pjesa më e madhe e tyre do të bëjnë shkurtime në masën 50-90%, ndërsa 11% e tyre do të pushojnë të gjithë punonjësit.

Shkurtimet masive pritet të jenë tek punonjësit me të ardhura minimale ose nën mesatare. Kjo do të thotë që “armata” e familjeve në vështirësi do të rritet shumë më tepër në muajt në vijim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0