Në mbështetje të vazhdueshme të inovacionit, si e ardhmja e shoqërisë digjitale, Raiffeisen Bank Shqipëri organizon edhe këtë vit edicionin e 6-të të Konkursit Elevator Lab.
Duke filluar nga sot më datë 25.10.2022 deri më 15.11.2022 të gjithë startup-et e interesuar nga Shqipëria dhe Kosova mund të aplikojnë në këtë konkurs, ku do të kenë mundësinë të prezantojnë produktet apo shërbimet e tyre inovatore në fushën e fintech.
Elevator Lab është në kërkim të zgjidhjeve inteligjente, në mënyrë që të shtrojë rrugën për biznesin bankar të së ardhmes duke maksimizuar potencialin e ideve tuaja në një kohë të shkurtër.
Lexo: Banka e Bashkuar e Shqipërisë do të udhëheqë Tirana Fintech Hive, organizuar nga Elmangos Ventures
Kandidatët e interesuar mund të aplikojnë në njërën nga 5 kategoritë e mëposhtme:
- Tërheqja e klientëve në mënyrë digjitale (Digital Customer Acquisition)
- Automatizim i proçeseve operacionale
- ESG (Environment, Social, Governance Solutions)
- Platforma digjitale (Digital Platform Solutions)
- Analizë dhe Statistikë e Avancuar (Advanced Analytics)
Ne fazën e parë, të gjithë startup-et do të kalojnë një proces përzgjedhjeje nga një panel ekspertësh, i përbërë nga drejtues të Raiffeisen Bank dhe sipërmarrës dhe investitorë të suksesshëm nga rajoni.
APLIKO KETU në Elevator Lab dhe konkurro për çmimin prej 5,000 €.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
