Nuk e dimë sesi keni vepruar ju në këto raste megjithatë, dijeni se ka një zgjidhje. Ekziston një vendim, nr 57, datë 11.9.2013 “Për miratimin e rregullores për këmbimin e kartmonedhave dhe monedhave shqiptare të dëmtuara”.
Banka e Shqipërisë, në përputhje me procedurat e përcaktuara në këtë rregullore, këmben kundrejt vlerës së tyre nominale kartëmonedhat lekë të dëmtuara në rastet kur:
1. Ekziston më shumë se 50% e sipërfaqes së kartmonedhës;
2. Ekziston jo më shumë se 50% e sipërfaqes së kartmonedhës, por kartmonedha, për arsye madhore që nuk varen nga përdoruesi, është djegur, përmbytur apo dëmtuar dhe pjesët e munguara të kartëmonedhës janë shkatërruar plotësisht.
Aplikanti duhet të paraqesë një deklaratë me shkrim që shpjegon burimin e dëmtimit në rastin kur kartëmonedhat e paraqitura për këmbim janë të njollosura me bojë, të ndotura, të përmbytura ose të dëmtuara në mbi 50% të sipërfaqes së tyre.
Në rastin kur ekziston jo më shumë se 50% e sipërfaqes së kartëmonedhës, përveç kërkesave të pikës 2 të këtij neni, Banka e Shqipërisë mund t’i kërkojë aplikantit paraqitjen e dokumenteve shtesë nga organet kompetente ose nga organet e pushtetit vendor, mbi burimin dhe rrethanat e dëmtimit.
burimi: albeu.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
