Në Finlandë ia vlen më shumë të jesh i papunë! - Business Magazine Albania

Në Finlandë ia vlen më shumë të jesh i papunë!


Askush nuk do ta ngatërronte cepin më verior të Finlandës me Silicon Valley, në SHBA. I ndodhur mes pyjeve me pisha të ulëta, vetëm 100 milje poshtë Arktikut, Oulu duket më e përshtatshme për të kullotur drerët sesa për të edukuar fillestarët në teknologji. Megjithatë, ky qytet njihet si baza apo kryeqendra e komunikimeve wireless, aspiratat e të cilit janë të prirura drejt inovacionit.

Në të gjenden edhe mijëra inxhinierë tepër të aftë, por në kërkim të një pune. Shumë prej tyre janë pushuar nga puna nga “Nokia”, kompania finlandeze dikur sinonim i telefonave celularë, ndërsa janë së fundmi mes rrezikut për t’u venitur në harresë.

Edhe pse sipërmarrësit “zihen” për t’iu ofruar punë këtyre personave të aftë, rregullat bujare për sigurinë e shoqërisë në Finlandë duket se kanë efektin e kundërt, dekurajimin e punësimit të tyre. Njerëzit e papunë, përgjithësisht nuk mund të fitojnë të ardhura shtesë në kohën që marrin përfitimet e papunësisë, përndryshe rrezikojnë të humbasin këtë asistencë.

Për punonjësit e shkarkuar nga “Nokia”, marrja thjesht e çekut të garantuar e të papunëve i bën ata ta shohin këtë propozim financiar si më të mirë, sesa të futen si “fillestarë” në një punë të re në Finlandë, aty ku industria e lëkundur e teknologjisë duket se po synon të gjejë balancimin sërish.

Tashmë, qeveria finlandeze po eksploron sesi t’i ndryshojë këto përllogaritje, duke nisur një eksperiment në formën e mirëqenies sociale: të ardhurat bazike universale! Duke filluar nga viti i ardhshëm, qeveria planifikon të përzgjedhë në mënyrë rastësore 2.000 të papunë, që nga programuesit e deri te punonjësit e ndërtimit. Këtyre do t’u ofrohen të ardhura automatikisht, duke shmangur burokracitë dhe duke eliminuar penalitetet për sigurimin e të ardhurave shtesë.

Qeveria duket se mezi pret të shohë se çfarë do të ndodhë më tej. A do të vazhdojnë më njerëzit të punojnë aty ku janë? Do të nisin biznese të reja? Sa persona do të ndalin së punuari dhe t’i shpenzojnë të ardhurat e tyre për vodka? A do të çlirohen ata që vuajnë mes pengesave të sistemit të papunësisë dhe a do t’i përdorin liritë e tyre për edukim të mëtejshëm, duke i bërë ata të përshtatshëm për karriera të reja më premtuese?

E siç shihet, këto hulumtime shtrihen përtej natyrës së politikave ekonomike, duke hedhur më shumë dritë drejt sferës së natyrës njerëzore. Përgjigjet, që priten të përcaktohen pas një periudhe dyvjeçare, pritet të rimodelojnë politikat e mirëqenies sociale përtej terrenit të njohur nordik.

Burimi: telegrafi.com 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0